વેપારઃ નવા વર્ષમાં ઘરે બેઠા SBI બેંકના ગ્રાહકો મેળવો આ સેવાઓનો લાભ
અટલ સમાચાર, ડેસ્ક
સ્ટેટ બેન્ક ઓફ ઈન્ડિયાની અધિકૃત વેબસાઈટમાં અપાયેલી જાણકારી મુજબ બેન્ક તરફથી કેશ પિકઅપ, કેશ ડિલિવરી, ચેક રિસિવ કરવા, જીવન પ્રમાણપત્ર પિકઅપ, KYC ડોક્યુમેન્ટનું પિકઅપ, ડ્રાફ્ટની જાણકારી, ફોર્મ-15નું પિકઅપ જેવી અનેક ડોરસ્ટેપ સુવિધાઓ મળે છે. બેન્કની એવી અનેક સુવિધાઓ છે જે હવે ગ્રાહકોને ઘર પર જ ઉપલબ્ધ કરાવવામાં આવે છે. ડોર સ્ટેપ બેન્કિંગની સુવિધાની શરૂઆત થયા બાદથી નોન ફાઈનાન્શિયલ સર્વિસિઝ જેમ કે ચેક, ડિમાન્ડ ડ્રાફ્ટ, પે ઓર્ડર વગેરે માટે બેન્ક પોતે તમારા ઘરે આવે છે. આ વાત બહુ ઓછા લોકો જાણે છે કે ભારતીય સ્ટેટ બેન્ક પણ આ પ્રકારની અનેક સુવિધાઓ પોતાના ગ્રાહકોને ઉપલબ્ધ કરાવે છે. જેમાં તેમણે બેન્ક જવાની જરૂર પડતી નથી.
અટલ સમાચાર આપના મોબાઇલમાં મેળવવા અહિં ક્લિક કરો
SBIના નિયમો મુજબ ઓછામાં ઓછા 1000 રૂપિયા અને વધુમાં વધુ 20,000 રૂપિયા સુધીની કેશ તમે ડોર સ્ટેપ પર મંગાવી શકો છો. આ માટે તમારે પહેલા કેશ વિથડ્રોઅલ માટે રિક્વેસ્ટ મોકલવી પડે છે. ત્યારબાદ બેન્કકર્મી તમારા એકાઉન્ટનું બેલેન્સ ચેક કરે છે. આવામાં જો એકાઉન્ટમાં બેલેન્સ ઓછું કે ન હોય તો ટ્રાન્ઝેક્શન રિક્વેસ્ટ કેન્સલ કરી દેવાય છે. જો કે એકાઉન્ટમાં પૈસા હોય તો બેન્કકર્મી પોતે પૈસા લઈને તમારા ઘરે ડિલિવરી માટે આવે છે.
ડોરસ્ટેપ બેન્કિંગ સર્વિસ દ્વારા ગ્રાહકો ચેક જમા કરાવવા, પૈસા કાઢવા અને જમા કરાવવા, જીવન પ્રમાણપત્ર લેવા જેવી અનેક સુવિધાઓનો લાભ લઈ શકે છે. આ સર્વિસથી 70 વર્ષથી વધુ ઉંમરના વૃદ્ધો, દિવ્યાંગ, તથા અંધજન લોકો પોતાના ઘરે બેઠા બેન્કિંગ મેળવવામાં મદદ થઈ પડશે. ડોર સ્ટેપ સર્વિસ હેઠળ બેન્કના કર્મચારી તમારા ઘરે આવશે અને તમારા દસ્તાવેજ લઈ જઈને બેન્કમાં જમા કરી દેશે.
આ લોકોને નથી મળતો Door Step Banking નો ફાયદો
1. જોઈન્ટ ખાતું ખોલાવનારા ગ્રાહકોને ડોર સ્ટેપ બેન્કિંગનો ફાયદો મળતો નથી.
2. માઈનર એકાઉન્ટવાળા ગ્રાહકોને પણ આ સુવિધાનો લાભ મળતો નથી.
3. નોન પર્સનલ એકાઉન્ટવાળા ગ્રાહકોને આ સુવિધા મળતી નથી.
આ પ્રકારે શરૂ કરો Door Step Banking
આ સુવિધાનો લાભ લેવા માટે સૌથી પહેલા તમારે બેન્કની મોબાઈલ એપ્લિકેશન, વેબસાઈટ પર જઈને રજિસ્ટ્રેશન કરાવવું પડશે. આ ઉપરાંત તમે વર્કિંગ ડેઝમાં ટોલ ફ્રી નંબર 1800111103 પર સવારે 9 વાગ્યાથી સાંજે 4 વાગ્યા વચ્ચે કોલ કરીને તમારું રજિસ્ટ્રેશન કરાવી શકો છો. SBI ડોર સ્ટેપ બેન્કિંગ સર્વિસિઝ અંગે વધુ ડિટેલ્સ માટે ગ્રાહકો પર વિઝિટ કરી શકે છે. અથવા તો તમે તમારી નજીકની એસબીઆઈ બ્રાન્ચમાં જઈને પણ સંપર્ક કરી શકો છો.