રોજગાર@દેશ: ભારતીય વાયુ સેનામાં જોડાવાની સુવર્ણ તક, 10-12 પાસ માટે મોટી ભરતી, જાણો વધુ

અટલ સમાચાર ડોટ કોમ, ડેસ્ક

દેશના યુવાનોની અંદર આર્મી અને એરફોર્સમાં જવાનો ક્રેઝ જોવા મળે છે. હવે આવા યુવાનો માટે મોકો છે, જેમને એરફોર્સમાં સામેલ થવાનો ક્રેઝ છે અને તે ધોરણ 10 અથવા 12 પાસ છે. હકીકતમાં ભારતીય વાયુસેનાએ ગ્રુપ સી સિવિલિયન કેટેગરી માટે વિભિન્ન પદો પર અરજી મંગાવી છે. તેવામાં યોગ્ય અને ઇચ્છુક ઉમેદવારો ઓફિશિયલ વેબસાઇટ પર જઇને અરજી સંબંધિત પ્રક્રિયા શરૂ કરી શકે છે.

મીડિયા અહેવાલો અનુસાર, લોઅર ડિવિઝન ક્લાર્ક, સ્ટેનોગ્રાફર, મલ્ટી ટાસ્કિંગ સ્ટાફ, HKS, આયા, વોર્ડ સહાયક, વોશરમેન અને મેસ્ટ સ્ટાફ જેવી જગ્યાઓ ભરવાની છે. રોજગાર સમાચારમાં પ્રકાશિત થયેલ જાહેરાતના 30 દિવસ પછી અરજી માટે સમય આપવામાં આવશે. તે જ સમયે, જો આપણે વય મર્યાદા વિશે વાત કરીએ તો 18 થી 30 વર્ષની વયના ઉમેદવારો અરજી કરી શકે છે. જો કે, આ કેસમાં અનામત વર્ગના ઉમેદવારોને છૂટછાટ આપવામાં આવશે.

અટલ સમાચાર આપના મોબાઇલમાં મેળવવા અહિં ક્લિક કરો

પોસ્ટ મુજબની લાયકાત વિશે વાત કરીએ તો જુદા જુદા પદો માટે વિવિધ લાયકાત માંગવામાં આવી છે. સ્ટોર સુપરિટેન્ડેન્ટ એકમાત્ર પોસ્ટ છે જેના માટે સ્નાતક ઉમેદવારો અરજી કરી શકે છે. આ માટે સ્ટોર અને એકાઉન્ટ હેન્ડલિંગનો અનુભવ પણ માંગવામાં આવ્યો છે. ધોરણ 12 પાસ ઉમેદવારો માટે લોઅર ડિવિઝન ક્લાર્ક, હિન્દી ટાઇપિસ્ટ અને સ્ટોર કીપર જેવી પોસ્ટ્સ છે. ક્લર્ક અને ટાઇપિસ્ટની પોસ્ટ માટે ટાઇપિંગની સ્કિલ પણ માંગવામાં આવે છે. ક્લાર્ક માટે હિન્દી અને અંગ્રેજી બંને છે અને કિપર માટે ફક્ત હિન્દી ટાઇપિંગ માંગવામાં આવ્યું છે.

આ સાથે ધોરણ 10 પાસ ઉમેદવાર માટે સિવિલિયન મિકેનિકલ ટ્રાન્સપોર્ટ ડ્રાઇવર, કૂક, પેઇન્ટર, સુથાર, હાઉસ કિપીંગ સ્ટાફ, મેસ સ્ટાફ અને એમટીએસ જેવી પોસ્ટ્સ છે. કીપિંગ સ્ટાફ, મેસ સ્ટાફ અને એમટીએસ માટે કોઈ અલગ લાયકાત માંગવામાં આવી નથી. ડ્રાઇવર માટે લાઇટ અને હેવી વ્હીકલ લાઇસન્સ હોવું જરૂરી છે. સંબંધિત ટ્રેડમાં ડિપ્લોમા પણ અન્ય પોસ્ટ માટે માંગવામાં આવ્યું છે.