રોજગાર@દેશ: CRPFમાં પેરામેડિકલ સ્ટાફની 2439 જગ્યાઓ માટે મોટી ભરતી, જાણો એક જ ક્લિકે

અટલ સમાચાર ડોટ કોમ, ડેસ્ક સેન્ટ્રલ રિઝર્વ પોલીસ ફોર્સમાં નોકરી મેળવવાની સારી તક સામે આવી છે. CRPFએ દેશભરની વિવિધ CAPF હોસ્પિટલોમાં પેરામેડિકલ સ્ટાફની ભરતી માટે અરજીઓ મંગાવી છે. આ ખાલી જગ્યા હેઠળ કુલ 2439 જગ્યાઓ પર ભરતી થવાની છે. આવી સ્થિતિમાં, જે ઉમેદવારો આ ખાલી જગ્યા માટે અરજી કરવા માંગતા હોય તેઓ સત્તાવાર વેબસાઇટ- crpf.gov.in
 
રોજગાર@દેશ: CRPFમાં પેરામેડિકલ સ્ટાફની 2439 જગ્યાઓ માટે મોટી ભરતી, જાણો એક જ ક્લિકે

અટલ સમાચાર ડોટ કોમ, ડેસ્ક

સેન્ટ્રલ રિઝર્વ પોલીસ ફોર્સમાં નોકરી મેળવવાની સારી તક સામે આવી છે. CRPFએ દેશભરની વિવિધ CAPF હોસ્પિટલોમાં પેરામેડિકલ સ્ટાફની ભરતી માટે અરજીઓ મંગાવી છે. આ ખાલી જગ્યા હેઠળ કુલ 2439 જગ્યાઓ પર ભરતી થવાની છે. આવી સ્થિતિમાં, જે ઉમેદવારો આ ખાલી જગ્યા માટે અરજી કરવા માંગતા હોય તેઓ સત્તાવાર વેબસાઇટ- crpf.gov.in પર જઈને ઓનલાઇન અરજી કરી શકે છે.

અટલ સમાચાર આપના મોબાઇલમાં મેળવવા અહિં ક્લિક કરો

સેન્ટ્રલ રિઝર્વ પોલીસ ફોર્સ દ્વારા બહાર પાડવામાં આવેલી આ ખાલી જગ્યામાં અરજી પ્રક્રિયા ચાલી રહી છે. ઉમેદવારોની પસંદગી સીધા જ ઇન્ટરવ્યુ દ્વારા કરવામાં આવશે. આ પોસ્ટ્સ માટે ઉમેદવારો 13 સપ્ટેમ્બરથી 15 સપ્ટેમ્બર, 2021 સુધી યોજાનાર ઇન્ટરવ્યૂમાં સીધા હાજર થઇ શકે છે. ઉમેદવારો સત્તાવાર વેબસાઇટની લિંક પર ક્લિક કરીને આ પોસ્ટ્સનું એપ્લિકેશન ફોર્મેટ જોઈ શકે છે. સેન્ટ્રલ રિઝર્વ પોલીસ ફોર્સ (CRPF)એ વિવિધ CAPF હોસ્પિટલોમાં કરારના આધારે પેરામેડિકલ સ્ટાફની ભરતી માટે જાહેરનામું બહાર પાડ્યું છે.

સૂત્રોએ જણાવ્યું હતુ કે, પાત્રતા અને રસ ધરાવતા ઉમેદવારો સીઆરપીએફ પેરામેડિકલ સ્ટાફની ભરતી માટે નિયત તારીખ અને સમય પર ઇન્ટરવ્યૂ માટે હાજર થઇ શકે છે. ઉમેદવારોએ તેમના તમામ મૂળ અને સંબંધિત દસ્તાવેજો તેમની ફોટોકોપી (નિવૃત્તિ પ્રમાણપત્ર/પીપીઓ, ડિગ્રી, વય પુરાવા અને અનુભવ પ્રમાણપત્ર વગેરે) સાથે રાખવું આવશ્યક છે. આ ઉપરાંત, ઉમેદવારોએ તેમની તમામ વિગતો સાદા કાગળ પર સાથે રાખવાની રહેશે. અરજી કરેલ પોસ્ટનું નામ અરજીમાં ભરવાનું રહેશે અને 3 તાજેતરના પાસપોર્ટ સાઇઝના ફોટોગ્રાફ પણ તેની સાથે લેવા પડશે.

આ જગ્યાઓ પર ભરતી થશે

  • આસામ રાઇફલ્સ (AR) – 156 પદ
  • બોર્ડર સિક્યુરિટી ફોર્સ (BSF)- 365 પદ
  • સેન્ટ્રલ રિઝર્વ પોલીસ ફોર્સ (CRPF) – 1537 પદ
  • ઇન્ડો-તિબેટીયન બોર્ડર પોલીસ (ITBP)- 130 પદ
  • સેવા પસંદગી બોર્ડ (SSB) – 251 પદ

લાયકાત વય મર્યાદા

CAPF, AR અને સશસ્ત્ર દળોના નિવૃત્ત ઉમેદવારો આ જગ્યાઓ માટે અરજી કરી શકે છે. બહાર પાડવામાં આવેલી સૂચના અનુસાર, આ પોસ્ટ્સ માટે અરજી કરનાર ઉમેદવારોની ઉંમર 62 વર્ષથી વધુ ન હોવી જોઈએ. વય મર્યાદા સંબંધિત વધુ માહિતી માટે તમે સત્તાવાર સૂચના જોઈ શકો છો.

પસંદગી પ્રક્રિયા

સેન્ટ્રલ રિઝર્વ પોલીસ ફોર્સ (CRPF)માં આ જગ્યાઓ માટે અરજી કરનાર ઉમેદવારોને કોઈ લેખિત પરીક્ષા વગર સીધા ઈન્ટરવ્યુના આધારે પસંદ કરવામાં આવશે. આવી સ્થિતિમાં, જે ઉમેદવારો તેમાં અરજી કરશે તેમણે 13 સપ્ટેમ્બરથી 15 સપ્ટેમ્બર, 2021 સુધી યોજાનાર ઇન્ટરવ્યૂમાં હાજર રહેવું પડશે.