ગુજરાત: PM મોદી અને ટ્રમ્પ સ્ટેચ્યુ ઓફ યુનિટીની લઇ શકે છે મુલાકાત!

અટલ સમાચાર, ડેસ્ક

થોડા દિવસથી અમેરિકાનાં રાષ્ટ્રપતિ ડોનાલ્ડ ટ્રમ્પનાં ભારત પ્રવાસની ઘણી ચર્ચા થવા લાગી છે. ત્યારે સૂત્રો પાસેથી મળતી માહિતી પ્રમાણે. 25મી ફેબ્રુઆરીનાં રોજ ડોનાલ્ડ ટ્ર્મ્પ સ્ટેચ્યૂ ઓફ યુનિટીની મુલાકાત લઇ શકે છે. હાલ તંત્રએ પણ ખાનગીમાં તૈયારીઓનો આરંભી દીધી છે. મહત્વનું છે કે, આજે ભારતનાં વિદેશમંત્રી એસ.જયશંકર અને કેન્દ્રીય વન સચિવ સ્ટેચ્યૂ ઓફ યુનિટીની મુલાકાતે આવી રહ્યાં છે. તેઓ અહીં ત્રણથી ચાર પ્રકલ્પોનું લોકાર્પણ કરે તેવી પણ શક્યતાઓ છે.

અટલ સમાચાર આપના મોબાઇલમાં મેળવવા અહિં ક્લિક કરો

ચર્ચા એવી પણ થઇ રહી છે કે, ડોનાલ્ડ ટ્રમ્પનો એક કાર્યક્રમ અમદાવાદમાં થઇ શકે છે. મહત્વનું છે કે, પ્રધાનમંત્રી નરેન્દ્ર મોદીના અમેરિકા પ્રવાસ પર ‘હાઉડી મોદી’)કાર્યક્રમનું આયોજન કર્યું હતું. ટેક્સસ રાજ્યના હ્યુસ્ટનમાં થયેલા આ ખાસ કાર્યક્રમમાં પીએમ મોદીએ અમેરિકાના રાષ્ટ્રપતિ ડોનાલ્ડ ટ્રમ્પ સાથે મંચ શેર કર્યું હતું. તેમને જોવા માટે લગભગ 50 હજાર લોકો પહોંચ્યા હતા. હવે આવો જ એક કાર્યક્રમ ટ્ર્મ્પના ભારત પ્રવાસ પર કરવામાં આવશે.

સુત્રોએ જણાવ્યુ હતુ કે, ફેબ્રુઆરીમાં યોજાનાર આ કાર્યક્રમને હાલ ગુજરાતી નામ આપવામાં આવ્યું છે ‘કેમ છો ટ્રમ્પ.’ આ કાર્યક્રમનું આયોજન અમદાવાદમાં થશે. જોકે સૂત્રોથી ખબર પડી છે કે, અમેરિકા ઇચ્છે છે કે, આ ઇવેન્ટને દિલ્હી-NCRમાં કરાવવામાં આવે. કહેવામાં આવી રહ્યું છે કે, ભારત પ્રવાસ પર ટ્રમ્પ દિલ્હીથી બહાર ક્યાંય જવાના મૂડમાં નથી. કારણ કે તેમની પાસે વધારે સમય નથી.