ગુજરાતના હવામાનનો મિજાજ હાલ બદલાયેલો લાગે છે. છેલ્લા થોડા દિવસથી સવારે ઠંડી અને બપોરે ગરમીનો અનુભવ થઇ રહ્યો છે.
તો આજે આપણે જોઇએ કે આ સપ્તાહમાં ગુજરાતના હવામાનમાં શું શું ફેરફાર આવશે.
પવનની દિશા બદલાતા 4 અને 5 ફેબ્રુઆરી ઉત્તર ગુજરાતના સાબરકાંઠા, બનાસકાંઠા પાટણ તથા કચ્છ જીલ્લામાં છૂટાછવાયા સામાન્ય ઝાપટાં થવાની સંભાવનાઓ વ્યક્ત કરવામાં આવી છે.
માવઠું સાર્વત્રિક નહીં હોય. જે રીતે મહત્તમ તાપમાન ઊંચું આવ્યું છે તે જોતા લોકોને લાગતું હશે કે હવે શિયાળો પૂર્ણ થઈ ગયો અને ઉનાળાની શરુઆત થશે
કેટલાક સેન્ટરો પર લઘુત્તમ તાપમાન 15 ડિગ્રી કરતા પણ નીચું જવાની સંભાવનાઓ જોવાઈ રહી છે.
સાત ફેબ્રુઆરીથી ફરી ઠંડીનું જોર વધશે. ઉત્તર ગુજરાતના ભાગોમાં લઘુત્તમ તાપમાન 12 ડિગ્રીએ પહોંચી જશે.
જોકે, હાલ તો વાદળો છે. જેના કારણે ઠંડી પડતી નથી.
આ વખતે ગરમી સાથે ઠંડી સાથે બેવડી ઋતુનો અહેસાસ થશે.ગુજરાતના ભાગોમાં વાદળછાયું વાતાવરણ રહેશે અને અમુક વિસ્તારમાં છાંટા પડવાની શક્યતા છે.