કાર્યવાહી@સુરત: સરથાણામાં 7.44 લાખના મેફેડ્રોન ડ્રગ્સ સાથે 4ની ધરપકડ

અટલ સમાચાર ડોટ કોમ, ડેસ્ક

સુરત ક્રાઈમ બ્રાંચની ટીમે સરથાણા શ્યામધામ મંદિર પાસે જાહેર રોડ પરથી મેફેડ્રોન ડ્રગ્સ સાથે 4 ઇસમોને ઝડપ્યા. પોલીસે 7,44,500 રૂપિયાની કિંમતનું 74.450 ગ્રામ મેફેડ્રોન ડ્રગ્સ, એક ફોર વ્હીલ, રોકડા રૂપિયા 18 હજાર મળી કુલ 12,97,500 રૂપિયાનો મુદામાલ જપ્ત કરી આ મામલે કાયદેસરની કાર્યવાહી હાથ ધરી છે.પોલીસ તપાસમાં સામે આવ્યું હતું કે, આરોપીઓ ફોરવ્હીલ ગાડીમાં મુંબઈ જઈ રાત્રીના સમયે મેફેડ્રોન ડ્રગ્સનો જથ્થો ખરીદી પોલીસથી બચવા સારું ફોરવ્હીલના સ્ટેરીંગના હોર્નના ફાયબરના કવર નીચે છુપાવી સુરત શહેરમાં લાવી છૂટક વેચાણ કરતા હતા.

સુરત ક્રાઈમ બ્રાંચની ટીમે સરથાણા શ્યામધામ મંદિર બીઆરટીએસ બસ સ્ટેન્ડની સામે જાહેર રોડ પરથી પ્રતિબંધિત મેફેડ્રોન ડ્રગ્સ લઈ આવનાર આરોપી પંકજ કુમાર નંદલાલભાઈ પાસવાન, સરફરાઝ ઉર્ફે રોમિયો સરફૂદિન અન્સારી, રોહનકુમાર કિશોરભાઈ રાઠોડ, અને જગતજીવન ચિત્રસેન રાઉતને ઝડપી પાડ્યા હતા. પોલીસે આરોપી પાસેથી 7,44,500 રૂપિયાની કિમંતનું 74,450 ગ્રામ મેફેડ્રોન ડ્રગ્સ, 4 લાખની કિમંતની ફોરવ્હીલ ગાડી, રોકડા રૂપિયા 18 હજાર, 1.35 લાખની કિમંતના 7 નંગ મોબાઈલ ફોન સહીત કુલ 12,97,500 રૂપિયાનો મુદામાલ જપ્ત કર્યો હતો.