ACB@છોટાઉદેપુર: વેપારી પાસેથી 1.50 લાખની લાંચ લેતા અધિકારી ઝબ્બે

અટલ સમાચાર,ડેસ્ક

કોરોના મહામારી વચ્ચે આજે છોટાઉદેપુરમાં લાંચ લેતાં સરકારી અધિકારી ઝડપાઇ જતાં ચકચાર મચી ગઇ છે. છોટાઉદેપુર નાયબ કૃષિ નિયામકની કચેરીમાં કાર્યરત અધિકારી ખેડુતો માટે જીવાણુનાશક દવાઓ અને રાસાયણિક ખાતરો જેવા ઉપયોગી ઉત્પાદનો ધરાવતા વેપારી પાસેથી 1.50 લાખની લાંચ લેતા ઝડપાયો છે. એસીબીએ તેની ધરપકડ કરી આગળની કાર્યવાહી શરૂ કરી છે. આરોપી અધિકારી લાંચની રકમ વસૂલવા વેપારીની દુકાન પર ગયો હતો.

અટલ સમાચાર આપના મોબાઇલમાં મેળવવા અહિં ક્લિક કરો

છોટાઉદેપુરની કૃષિ નિયામક કચેરીમાં કાર્યરત અધિકારી યોગેશ જેઠાભાઇ અમીન હાલ દાહોદની કચેરીમાં ફરજ પર છે. નસવાડીમાં તેમણે જંતુનાશક દવાઓ, રાસાયણિક ખોરાક અને ખેડૂત ઉપયોગી ચીજો ધરાવતા વેપારીને નોટિસ મોકલી હતી. યોગેશે એન્ટિસેપ્ટિક દવાઓનો ઉપયોગ કર્યા વિના લાઈસન્સ જંતુનાશક દવાઓ વેચતા વેપારી પાસેથી રૂ 1.50 લાખની લાંચ માંગી હતી.

સમગ્ર મામલે વેપારીએ એન્ટી કરપ્શન બ્યુરોને આ અંગે ફરિયાદ કરી હતી. જે બાદ એસીબીની ટીમે સંપૂર્ણ યોજના બનાવી અધિકારીને વેપારીની દુકાન પર બોલાવી રૂ .1.50 લાખની લાંચ લેવા માટે બોલાવ્યો. આ દરમ્યાન જેવા અધિકારીએ વેપારીના હાથમાંથી પૈસા લીધા તેવા ઘટના સ્થળે પહેલેથી જ તૈનાત એસીબીની ટીમે તેની ધરપકડ કરી હતી. હાલ આરોપીની ધરપકડ કરી આગળની કાર્યવાહી શરૂ કરવામાં આવી છે.