દુર્ઘટના@ગુજરાત: અમદાવાદ-ઉદયપુર હાઈવે પર ગમખ્વાર અકસ્માત, કાર પુલ પરથી નીચે પટકાતા 4ના મોત

અટલ સમાચાર ડોટ કોમ, ડેસ્ક

અમદાવાદ- ઉદયપુર નેશનલ હાઇવે પર ગંભીર અકસ્માત સર્જાયો હતો જેમાં કાર ફુલ સ્પીડે જઈ રહી હતી અને અચાનક તે પુલ નીચે ખાબકે છે જેમાં કારમાં સવાર 4 લોકોના ઘટના સ્થળે મોત થયા છે, જેમાં 1 મહિલા, 2 પુરૂષ, 1 બાળકીનું મોત થયું છે,ઘટનાની જાણ થતાની સાથે પોલીસનો કાફલો ઘટના સ્થળે પહોંચી ગયો હતો અને ટ્રાફિક જામની સમસ્યા દૂર કરીને વધુ તપાસ હાથધરી છે.અમદાવાદ-ઉદયપુર હાઈવે પર અકસ્માતની ઘટના બની છે જેમાં 4 લોકોના ઘટના સ્થળે જ મોત થયા છે.

કાર ફુલ સ્પીડમાં જઈ રહી હતી તે દરમિયાન અચાનક સ્ટેયરિંગ પરથી કાબુ ગુમાવતા કાર પુલ પરથી નીચે પટકાઈ હતી જેમાં ઘટના સ્થળે 4 લોકોના મોત નિપજયા છે અને કાર ટોટલી ડેમેજ થઈ ગઈ છે, શામળાજી દર્શન કરીને પરિવાર પરત અમદાવાદ તરફ ફરી રહ્યો હતો તે દરમિયાન આ ઘટના બની છે, પોલીસે પરિવારનો સંપર્ક કરવાની કવાયત હાથધરી છે.આ અકસ્માત મોડાસાના ગળાદર ગામ નજીક થયો હતો. ઘટનાની જાણ થતાની સાથે જ પોલીસ અને એમ્બ્યુલન્સનો કાફલો ઘટના સ્થળે પહોંચ્યો હતો અને મૃતદેહને ગાડીમાંથી બહાર કાઢયો હતો.

તમામ મૃતદેહને શામળાજી હોસ્પિટલમાં પીએમ અર્થે મોકલી આપ્યા છે અને પીએમ થયા બાદ મૃતદેહને પરિવારજનોને સોંપવામાં આવશે. સમગ્ર ઘટનાની જાણ થતાની સાથે ટીંટોઈ પોલીસ ઘટના સ્થળે પહોંચી હતી અને વધુ તપાસ કરી રહી છે, આ ઘટનામાં જે પરિવારજનો છે તેનો સંપર્ક કરવામાં આવી રહ્યો છે અને તપાસનો દોર ચાલી રહ્યો છે. એક સાથે 4 લોકોના મોત થતા અરવલ્લી પંથકમાં પણ શોકની લાગણી છવાઈ છે.