હવામાન@ગુજરાત: છેલ્લા 24 કલાકમાં વિવિધ વિસ્તારોમાં હળવો વરસાદ નોંધાયો, કપરાડા અને વાપીમાં સૌથી વધુ

અટલ સમાચાર ડોટ કોમ, ડેસ્ક

ગુજરાતમાં છેલ્લા 24 કલાકમાં વિવિધ વિસ્તારોમાં હળવો વરસાદ નોંધાયો છે. ગાંધીનગર સ્થિત સ્ટેટ ઈમરજન્સી ઓપરેશન સેન્ટર દ્વારા જાહેર કરવામાં આવેલા વરસાદી આંકડા પ્રમાણે, તારીખ 30 ઓગસ્ટથી 31 ઓગસ્ટ સવારના 6.00 થી 6.00 વાગ્યા સુધીમાં રાજ્યના 9 તાલુકાઓમાં વરસાદી ઝાપટાં નોંધાયા છે. આ વરસાદી આંકડાઓ પર નજર કરીએ તો દક્ષિણ ગુજરાતના વલસાડ જિલ્લામાં વરસાદી માહોલ સારો રહ્યો છે. વલસાડના કપરાડા અને વાપી તાલુકામાં સૌથી વધુ 0.16 ઇંચ વરસાદ નોંધાયો છે.

આ સિવાય નાનાપોંઢામાં 0.12 ઇંચ, ધરમપુરમાં 0.08 ઇંચ અને પારડીમાં 0.04 ઇંચ વરસાદ પડ્યો છે.વલસાડ ઉપરાંત અન્ય જિલ્લાઓમાં પણ હળવો વરસાદ જોવા મળ્યો છે. નવસારી જિલ્લાના વાંસદા અને મોરબી જિલ્લાના માળિયા તાલુકામાં 0.08 ઇંચ વરસાદ નોંધાયો છે. જ્યારે તાપી જિલ્લાના વ્યારા અને સૌરાષ્ટ્રના રાજકોટ જિલ્લાના રાજકોટ તાલુકામાં 0.04 ઇંચ વરસાદ પડ્યો છે.આગાહી પ્રમાણે, રાજ્યના દક્ષિણ અને સૌરાષ્ટ્રના કેટલાક વિસ્તારોમાં હળવા ઝાપટા વરસી શકે છે. છેલ્લા 24 કલાકમાં વરસાદી માહોલ સર્જાઈ શકે તેવી શક્યતા છે.