કાર્યવાહી@અમદાવાદ: એરપોર્ટ પરથી 2.10 કરોડનો ગાંજાનો જથ્થો જપ્ત, 1 યુવતી સહિત 7ની ધરપકડ
અટલ સમાચાર ડોટ કોમ, ડેસ્ક
અમદાવાદમાં વિયેતનામથી હાઇબ્રીડ ગાંજાનો જથ્થો લઇને આવતા ચાર આરોપીઓ ઝડપાયા છે. આ ચારેય આરોપીઓ જૂનાગઢના રહીશ છે અને તેઓએ 7.05 કિલો હાઇબ્રીડ ગાંજો અમદાવાદમાં પહોંચાડવાનો પ્રયાસ કર્યો હતો.આ આરોપીઓમાં સરફરાજ વડગામા, શોયેબ બિચારા, અકીલ કોલાદ અને નદીમ અમરેલીયા સામેલ છે. ચારેય આરોપીને સરખેજના રહેવાસી આરોપી મોહમ્મદ ફરહાન શેખ દ્વારા વિયેતનામ મોકલવામાં આવ્યા હતાં. આરોપીઓએ વિયેતનામમાં એક ટ્રીપ માટે 10 હજાર રૂપિયાની ભાડું સ્વીકૃતિ આપી હતી અને સુરક્ષિત રીતે હાઇબ્રીડ ગાંજાની બેગ સાથે અમદાવાદ એરપોર્ટ પર પહોંચ્યા.
દરમિયાન, એરપોર્ટ પર એક રિક્ષા ડ્રાઈવર સહેજ મિયાણા તેમને લઈ ગયો. મહત્વની વાત એ છે કે, ગાંજો મંગાવનાર અશરફ ઉર્ફે સમીર શેખ વોન્ટેડ છે. વોન્ટેડ આરોપી અશરફ તેની પ્રેમિકા મનીષા ખરાડીને લઈ એરપોર્ટ ગાંજો લેવા પહોચ્યો હતો. ગાંજો ભરેલી બેગ આરોપી પાસેથી લેવા માટે 6 હજાર પ્રેમિકા મનીષાને અશરફ આપતો હતો.પોલીસે અત્યારે મનીષાની પણ ધરપકડ કરી લીધી છે.
આરોપીઓએ ત્રણ ટ્રીપમાં કરોડો રૂપિયાનો હાઈબ્રીડ ગાંજો શહેરમાં ઘુસાડ્યો હતો, પરંતુ પોલીસે મનીષાને ઝડપી લેતાં આ કેસમાં મોહમ્મદ ફરહાન શેખ અને અશરફની વધુ તપાસ શરૂ કરી છે. એરપોર્ટ ઇન્ટેલિજન્સ યુનિટની બેદરકારીને કારણે આરોપીઓને સિક્યોરિટી ક્લિયરન્સ મળ્યું હતું, જેના કારણે આ ઘટનામાં મોટા પ્રમાણમાં નાકાબંધી કરવામાં આવી હતી. એરપોર્ટ પોલીસે ત્રીજી ટ્રીપમાં આરોપીઓને 02.10 કરોડની કિંમતના હાઈબ્રિડ ગાંજા સાથે ઝડપી પાડ્યાં છે.
