કાર્યવાહી@અમદાવાદ: પોલીસનું શરમજનક કૃત્ય, લાખોના લોખંડના સળીયા ચોરીને વેચી માર્યા

અટલ સમાચાર ડોટ કોમ, ડેસ્ક

અમદાવાદમાં લોખંડના સળિયા કટિંગ કરીને બારોબાર વેચી મારવાનું કૌભાંડ ખુલ્યુ છે, જેમાં પોલીસકર્મી મુસ્તાફખાન મલેક સહિત પાંચની ધરપડ કરવામાં આવી છે. આ તમામ લોકોએ ટ્રાન્સપોર્ટમાં ટીએમટી સળિયા ચોરીને બારોબાર વેચી માર્યા હતા. અમદાવાદમાં ચોરને પકડતી પોલીસ જ ચોરી કરતા ઝડપાઈ છે. શહેરમાં કૉન્સ્ટેબલ અને તેના સાગરિતો લોખંડના સળિયા ચોરી કરતાં ઝડપાયા છે. વેજલપુરના સોનલ સિનેમા પાસેથી ઝૉન-2 LCBએ કૉન્સ્ટેબલ સહિત 5 આરોપીને દબોચ્યા છે. લોખંડના સળિયા કટિંગ કરીને બારોબાર વેચી દેવાના કૌભાંડમાં હાલમાં તપાસ ચાલી રહી છે.

આ કેસમાં પોલીસે અઢી લાખ કિંમતના 4 ટન સળિયા સાથે આ તમામની ધરપકડ કરી છે. ટ્રેલરનો ચાલક કેટલોક માલ રસ્તામાં જ કટિંગ કરીને વેચી મારતો હતો. મુસ્તાફખાન મલેક નામનો પોલીસકર્મીની આ સળિયા ચોરીના કેસમાં સંડોવણી ખુલી છે. મુસ્તાફખાન મલેક DCP ઝૉન-2ના સ્ટાફમાં નોકરી કરે છે. પોલીસકર્મી મુસ્તફાખાન અમદાવાદ પોલીસમાં ડીસીપી ઝૉન-૨ના સ્ટાફમાં નોકરી કરે છે, અને તેને તેણે પ્રાથમિક પુછપરછમાં કબુલ્યુ છે કે, કચ્છથી મંગાવવામાં આવેલા જથ્થામાંથી તેણે ડ્રાઈવરને બે લાખ રૂપિયા આપીને સળિયા ખરીદી કર્યા હતા, હાલમાં આ મામલે વેજલપુર પોલીસે ગુનો નોંધીને વધુ તપાસ હાથ ધરી છે.