કાર્યવાહી@બનાસકાંઠા: ડીસામાંથી નકલી LCB પોલીસ ઝડપાયો, ક્રાઈમ બ્રાન્ચની ઓળખ આપી લૂંટ મચાવતો

અટલ સમાચાર ડોટ કોમ, ડેસ્ક

રાજ્યમાંથી નકલી ડોક્ટર, નકલી જજ, નકલી પોલીસ ઝડપાવાનો સિલસિલો યથાવત રુપે જોવા મળી રહ્યો છે. એવામાં બનાસકાંઠામાંથી નકલી પોલીસને ઝડપી પાડવામાં આવ્યો છે. ડીસામાંથી નકલી LCB પોલીસ ઝડપી પડાયો છે. બ્લેક કાચવાળી ગાડી લઈને રોફ મારતો નકલી પોલીસ કર્મી ઝડપી પડાયો છે.ડાયા અજમલ ઠાકોર નામનો આરોપી નકલી પોલીસ બનીને ફરતો હતો અને ક્રાઈમ બ્રાન્ચ પોલીસની ઓળખ આપી લોકો પાસેથી પૈસા પડાવી લૂંટ મચાવતો હતો. એવામાં ફરિયાદી પાસેથી ત્રણ હજાર લીધા હોવાની પોલીસને જાણ કરતા તેને ઝડપી પડાયો હતો.

ડીસામાં ગાયત્રી મંદિર પાસેથી નકલી પોલીસ ઝડપી પાડ્યો છે. આ આરોપી અગાઉ ગઢ પોલીસની હદમાં નકલી પોલીસ બની લૂંટ કરી હતી. તેમજ આ આરોપી જુગાર અને દારૂના કેસમાં અગાઉ પણ ઝડપાયેલ હતો. ડીસા પોલીસ દ્વારા આ ડુપ્લીકેટ LCB પોલીસને ઝડપી વધુ તપાસ હાથ ધરવામાં આવી છે.