કાર્યવાહી@દાહોદ: જંગલ ખાતાની જમીનમાં પશુ ચરાવવા બદલ 11,000ની લાંચ લેતા બીટગાર્ડ સહિત 2ની ધરપકડ

અટલ સમાચાર ડોટ કોમ, ડેસ્ક

જંગલ ખાતાની જમીનમાં પશુ ચરાવવા બદલ દંડ પેટે રૂ.11,000ની લાંચ લેતા દાહોદના ચાકલીયા પશ્ચિમના બીટગાર્ડ સુરેશસિંહ દિલીપસિંહ બારડ અને ફોરેસ્ટ ખાતામાં રોજમદાર તરીકે કામ કરતા સુનીલભાઇ રવજીભાઇ પારગીની ACBએ ધરપકડ કરી છે. ફરીયાદી તથા અન્ય 10 જણાં જંગલ ખાતાની જમીનમા પશુઓ ચરાવવા જતા હતા.

આરોપી સુરેશસિંહ બારડ અને સુનિલ પારગીએ ફરીયાદી અને અન્યોને જંગલ ખાતાની જમીનમા કેમ પશુ ચરાવો છો તેમ કહી ફરીયાદી પાસેથી દરેક વ્યક્તિ દીઠ દંડ ભરાવવાના બહાના હેઠળ રૂપીયા 2,000 ની લાંચની માંગણી કરી હતી. રકઝકના અંતે સુર્શ બારડે ફરીયાદી પાસેથી ફરીયાદી અને અન્યો સહીત વ્યક્તિ દિઠ રૂપીયા 1,000 લેખે કુલ રૂપીયા 11,000ની લાંચ લેવા સહમત થયા હતા. ફરીયાદી પાસેથી વારંવાર આરોપી સુરેશસિંહે લાંચની માંગણી કરતા ફરીયાદીએ ACBમાં ફરિયાદ કરી હતી. જેને આધારે ઝાલોદના દાતગઢ ગામે લાંચના છટકાનુ આયોજન કર્યું હતું. બન્ને આરોપી લાંચ લેતા ઝડપાઈ ગયા હતા.