અમદાવાદ: બેંકકર્મીએ FDનાં 1.69 કરોડ પત્નીના એકાઉન્ટમાં નાંખી ઠગાઇ કરી

અટલ સમાચાર,ડેસ્ક

અમદાવાદ નજીક આવેલા બાવળાની બેંક ઓફ બરોડા શાખામાં ઉચાપત થઈ હોવાનું સામે આવ્યું છે. 1,69,75,902 રૂપિયાની ઉચાપત ની ફરિયાદ બાવળા પોલીસ સ્ટેશન મા નોંધાઈ છે. ઉચાપત કરનાર બાવળા બેંક ઓફ બરોડા શાખાનો સ્પેશ્યલ આસીસ્ટન્ટ (Special Assitant) જ હોવાનું સામે આવ્યું છે. બેન્ક ઓફ બરોડા ની વિજિલન્સ ટિમ ના સર્વેલ્સનમા ધ્યાને આવ્યું હતું કે ભારતી ચુનારા નામના એકાઉન્ટમા છેલા 3 થી 4 માસમા મોટી મોટી રકમ વારંવાર જમા થઈ રહી છે. જે શંકાસ્પદ લાગતા બેન્ક એકાઉન્ટની વિગતો તપાસવામા આવી અને એ એકાઉન્ટ બેન્કના જ કર્મચારી કિરણ ચુનારાની પત્નીનું સામે આવતા વધુ શંકા જતા તપાસ કરી હતી.

અટલ સમાચાર આપના મોબાઇલમાં મેળવવા અહિં ક્લિક કરો

અમદાવાદની આ બેન્કના મેનેજર આખો મામલો સામે લાવ્યા ત્યાર બાદ બેન્ક મેનેજરે ફરિયાદ નોંધાવતા ની સાથે જ આરોપી કિરણ ચુનારા ફરાર થઈ ગયો છે. ત્યારે બાવળા પોલીસે આરોપી ની શોધખોળ શરૂ કરી વધુ તપાસ શરૂ કરી છે. બાવળા પોલીસે કરેલી પ્રાથમિક તપાસમાં સામે આવ્યું છે કે આરોપીએ બેન્કના ID અને Password નો દુરુપયોગ કરી ઉચાપત કરી છે. બીજા કર્મચારીઓ ના આઈ.ડીં અને પાસવર્ડનો પણ દુરઉપયોગ કર્યો છે.

સૂત્રોએ જણાવ્યુ હતુ કે, આરોપી કિરણ ચુનારા વર્ષ 2017 થી ફરજ પર છે. બેન્ક ઓફીસ ખાતામાંથી બેંકના ગ્રાહકોના ખાતાના ફિક્સ ડીપોઝીટ તોડીને અને ગ્રાહકો ના બચત ખાતા ના બેલેન્સ માંથી કુલ રૂપીયા 1,69,75,902 તેની પત્ની ભારતીબેન કિરણભાઇ ચુનારા ના ખાતામાં ટ્રાન્સફર કર્યા છે. ઓન લાઇન બેંકીંગ તેમજ અન્ય રીતે આ ખાતામાંથી પૈસા ઉપાડ્યા હોવાનું સામે આવ્યું છે. ઉચાપત કરી બેંક અને ગ્રાહકો સાથે વિશ્વાસઘાત કરનાર કિરણ ચુનારા સામે ફરિયાદ નોંધી પોલીસે તપાસ હાથ ધરી હોવાનું બાવળા પીઆઇ આર.જી.ખાંટ એ જણાવ્યું છે.