file photo
આ સમાચાર ને શેર કરવા અહી ક્લિક કરો.

અટલ સમાચાર, ડેસ્ક

અમદાવાદમાં આજકાલ નશાની નવી જ પેટર્ન શરૂ થઈ છે. શહેરમાં 31મી ડિસેમ્બરની રાત્રે પાર્ટી માટે નશો કરવા માટે એક નવી જ વસ્તુ બજારમાં આવી છે. 31મીને લઈને કમાણી કરવા માટે બૂટલેગરો નવો કીમિયો લઈ આવ્યા છે. અમદાવાદના એક વિસ્તારમાં નશાવાળા ટામેટાનું પ્રોડક્શન શરૂ થયું છે. આ ટામેટા હાલ અમદાવાદના માર્કેટમાં ધૂમ વેચાઈ રહ્યા છે. આ ટામેટાની ખાસિયત એવી છે કે તેમાં બુટલેગરોને પણ ટેન્શન નથી રહેતું અને ગ્રાહકોને પણ કોઈ ચિંતા નથી રહેતી.

બૂટલેગરના કહેવા પ્રમાણે હાલ આવા ટામેટાની ખૂબ માંગ છે. તેઓ દરરોજના 50થી 60 કિલો નશીલા ટામેટા બનાવે છે. 31મી ડિસેમ્બરના રોજ પોલીસના ડરને કારણે લોકો દારૂ પીતા ડરે છે, પરંતુ ટામેટા ગમે ત્યારે અને ગમે તે સ્થળે સરળતાથી લઈ જઈ શકાય છે અને ખાઈ શકાય છે. રસ્તા પર ઉભા રહીને પણ ટામેટા ખાઈ શકાય છે.

નશીલા ટામેટા બનાવવા માટે દારૂની બોટલમાંથી ઇન્જેક્શનો ભરવામાં આવે છે. ત્યાર બાદ આ ઇન્જેક્શનોને ટામેટામાં મારવામાં આવે છે. બૂટલેગરોના કહેવા પ્રમાણે ઇન્જેક્શન માર્યાના અડધો કલાકમાં જ ટામેટા ભરપૂર નશો છોડે છે. આવી રીતે તૈયાર કરેલા ત્રણ ટામેટા ખાવાથી ત્રણ પેગ માર્યા જેટલો નશો ચડે છે. બૂટલેગરો નશીલા ટામેટાના એક નંગની 75-100 રૂપિયા કિંમત વસૂલી રહ્યા છે. બૂટલેગરના મતે 1 નંગ બોટલમાંથી બેથી અઢી કિલો ટામેટા તૈયાર થાય છે. આથી નશીલા ટામેટાના વેપારમાં નફો પણ ખૂબ મળે છે. બૂટલેગરોને એક નંગ બોટલ એકથી અઢી હજારનો નફો કમાઈ આપે છે.

fili photo

બુટલેગરે જણાવ્યું કે, ‘આ વિચાર ખૂબ જૂનો છે. પહેલા અમે ફળોમાં આવું કરતા હતા. હાલ ટામેટા ખૂબ સસ્તા છે. આથી ટામેટાને નશીલા બનાવીએ છીએ. અમારો ધંધો ભાંગી પડ્યો હતો ત્યારે અમને આવી વિચાર આવ્યો હતો. અમે આ અંગે અખતરો કર્યો અને અમારો પ્રયોગ સફળ રહ્યો હતો. નશીલા ટામેટાના એક ગ્રાહકે ઓળખ જાહેર ન કરવાની શરતે જણાવ્યું હતું કે, ‘આનાથી ડ્રિંક જેવી જ મજા આવે છે. જ્યારે અમે ઓર્ડર કરીએ છીએ ત્યારે અમને ડિલિવરી મળી જાય છે. બાઈટિંગની પણ જરુર નથી પડતી. મિત્રો એકઠા થઈએ ત્યારે ટામેટા મંગાવી લઈએ. ઘરે પણ ઈચ્છા થાય ત્યારે 2 ટામેટા લઈ જઈએ. એટલે 1 કે 2 પેક જેટલો નશો મળી જાય છે.’

અટલ સમાચાર આપના મોબાઇલમાં મેળવવા અહિં ક્લિક કરો 

ગ્રાહકે વધુમાં જણાવ્યું કે, ટામેટામાં પોલીસનું કોઈ જોખમ રહેતું નથી. બૂટલેગર ડિલિવરી કરી જાય તે પછી અમે ટામેટાને કાપીને તેમાં કોથમીર અને મસાલો નાખીને ખાઈએ છીએ. ઓળખ જાહેર ન કરવાની શરતે વધુ એક ગ્રાહકે જણાવ્યું કે અમે 31મી તારીખ માટે ઓર્ડર આપી દીધો છે. અમને એક નંગ ટમેટું 100 રૂપિયામાં પડે છે. 31મી તારીખે બૂટલેગર વધારે ભાવ ખાય છે, જેની સરખામણીએ ટામેટા સસ્તા પડે છે. નશીલા ટામેટાનો આનંદ લઈ રહેલા લોકો. બૂટલેગરો નશીલા ટામેટાથી ખૂબ કમાણી કરી રહ્યા છે.

LEAVE A REPLY

Please enter your comment!
Please enter your name here

*

code