અમદાવાદઃ ટ્રિપલ તલાક બિલ પાસ કર્યાના 24 કલાકમાં જ પતિ આપ્યા પત્નીને તલાક

અટલ સમાચાર, ડેસ્ક હજી ગઇકાલે જ રાજ્યસભામાં મુસ્લિમ મહિલાઓને લાગતું ટ્રિપલ તલાક બિલ પાસ થયું છે. ત્યારે અમદાવાદના ત્રણ દરવાજા વિસ્તારમાં રહેતી એક યુવતીને તેના પતિ દ્વારા ત્રણ તલાક આપવાનો કિસ્સો સામે આવ્યો છે. હાલ ટ્રિપલ તલાક આપવા મુદ્દે યુવતીએ પતિ અને સાસરિયા વિરૂધ કારંજ પોલીસ સ્ટેશનમાં ફરિયાદ નોંધાવી છે. અમદાવાદના ત્રણ દરવાજા વિસ્તારમાં રહેતી
 
અમદાવાદઃ ટ્રિપલ તલાક બિલ પાસ કર્યાના 24 કલાકમાં જ પતિ આપ્યા પત્નીને તલાક

અટલ સમાચાર, ડેસ્ક

હજી ગઇકાલે જ રાજ્યસભામાં મુસ્લિમ મહિલાઓને લાગતું ટ્રિપલ તલાક બિલ પાસ થયું છે. ત્યારે અમદાવાદના ત્રણ દરવાજા વિસ્તારમાં રહેતી એક યુવતીને તેના પતિ દ્વારા ત્રણ તલાક આપવાનો કિસ્સો સામે આવ્યો છે. હાલ ટ્રિપલ તલાક આપવા મુદ્દે યુવતીએ પતિ અને સાસરિયા વિરૂધ કારંજ પોલીસ સ્ટેશનમાં ફરિયાદ નોંધાવી છે.

અમદાવાદના ત્રણ દરવાજા વિસ્તારમાં રહેતી સના શેખના લગ્ન તેના જ સમાજમાં થયા હતા. લગ્ન દરમિયાન તેને બે બાળકીઓ પણ છે. ગઇકાલે સનાના પતિએ તેની પાસે પૈસાની માગણી કરી હતી. પરંતુ સનાએ તેની માગણીનો ઇન્કાર કરતા તેના પતિએ પહેલા તો બાળકીઓને માર માર્યો હતો. ત્યારબાદ તેની પત્નીને માર માર્યો હતો.

આ બનાવ બાદ સના બંને બાળકીઓને લઇને તેના માતા-પિતાના ઘરે આવી ગઇ હતી. થોડાક જ સમયમાં સનાનો પતિ તેના ઘરે આવ્યો હતો અને ત્રણ વાર તલાક… તલાક… તલાક… બોલી સનાને ટ્રિપલ તલાક આપી જતો રહ્યો હતો. ત્યારે પતિ દ્વારા તલાક આપતા સનાએ કેરોસીન પી આપઘાત કરવાનો પ્રયાસ કર્યો હતો. પિડીતાને તાત્કાલીક સારવાર અર્થે એસ.વી.પી હોસ્પિટલમાં ખસેડવામાં આવી હતી અને ત્યારબાદ આ બનાવ અંગેની જાણ કારંજ પોલીસને કરતા પોલીસ હાલ સનાનાં પતિ સહિત સાસરિયાઓ સામે ગુનો નોંધી વધુ તપાસ હાથ ધરી છે.