આ સમાચાર ને શેર કરવા અહી ક્લિક કરો.

અટલ સમાચાર,અરવલ્લી

અરવલ્લી જીલ્લામાં બટાકાની ખેતી કરનાર ખેડૂતોને છેલ્લા બે વર્ષથી બટાકાના પૂરતા ભાવ ન મળતા ખેડૂતોની હાલત કફોડી બની છે. વધુ ભાવ મેળવવા ખેડૂતોએ બટાકા કોલ્ડ સ્ટોરેજમાં મુકતા જીલ્લાના કોલ્ડ સ્ટોરેજ ઉભરાઈ રહ્યા છે. ખેડૂતોને કોલ્ડ સ્ટોરેજમાં સંગ્રહ કરવા માટે પ્રતિ મણે રૂ. ૫૦થી વધુ ખર્ચ છતાં પણ હોલસેલમાં ભાવ પૂરતા ન મળતા ખેડૂતો ચિંતિત બન્યા છે.

મહત્વનું છે કે, અરવલ્લી જીલ્લામાં કેટલાક વર્ષોથી ખેડૂતો પરંપરાગત ખેતી છોડી અવનવી ખેતીમાં નસીબ અજમાવી રહ્યા છે. જીલ્લાના ખેડૂતો બટાકા, તરબૂચ, સક્કરટેટી અને દાડમની ખેતી કરી મબલખ ઉત્પાદન મેળવી નફો રળી રહ્યા છે. અરવલ્લી અને સાબરકાંઠા જિલ્લામાં ઉત્પાદન થતાં બટાકા મોટા ભાગે પ્રોસેસિંગ એટલે કે, ચિપ્સ બનાવવા માટે ઉપયોગમાં લેવાય છે.

ગત વર્ષની સરખામણીએ ચાલુ વર્ષે બટાકાનો ભાવ પ્રતિ કિલોએ ૧૩ રૂપિયાની આસપાસ છે, જ્યારે ગત વર્ષે બટાકાનો ભાવ ૧૭ રૂપિયાની આસપાસ હતો. ગત વર્ષની સરખામણીએ પાંચથી સાત રૂપિયા ભાવ ઓછો હોવાથી કોલ્ડ સ્ટોરેજ હાઉસફૂલ થયા છે. પ્રતિ કિલોએ કોલ્ડ સ્ટોરેજનો ભાવ ત્રણથી ચાર રૂપિયા થતો હોવાથી ખેડૂતોને હાલ મૂળ ઉત્પાદનના ભાવ કરતા પણ ઓછા ભાવ મળતા ખેડૂતો બટાકાના ભાવ ઉચકાય તો જ ખર્ચ પરવડી શકે તેમ છે.

ચાલુ વર્ષે બટાકાનું ઉત્પાદન તો વધ્યું છે, પણ પૂરતો ભાવ ન મળતા આ વર્ષે કરોડો રૂપિયાના બટાકા કોલ્ડ સ્ટોરેજના સ્ટોરમાં પડી રહ્યા છે. બટાકા પકવતા ખેડૂતો ટ્રાન્સપોર્ટ સહિતની સુવિધાઓમાં સબસિડી આપવામાં આવેની માંગ કરી રહ્યા છે.

આ સમાચાર ને શેર કરવા અહી ક્લિક કરો.

LEAVE A REPLY

Please enter your comment!
Please enter your name here

*

code