બનાસકાંઠા: થરાદ-સાંચોર હાઇવે પર ગમખ્વાર અકસ્માતમાં ર ના મોત

અટલ સમાચાર,થરાદ

બનાસકાંઠા જીલ્લામાં હમણાંથી અકસ્માતોની વણઝાર જામી હોય તેમ ગુરૂવારે એક અકસ્માતમાં ર લોકોના મોત થયા છે. વિગત અનુસાર બનાસકાંઠાના થરાદ-સાંચોર હાઇવે ઉપર ગુરુવારે ટ્રક અને ટ્રેક્ટર વચ્ચે ગમખ્વાર અકસ્માત થયો હતો.

ટ્રકે ટ્રેક્ટરને અટલી ભયાનક ટક્કર મારી હતી કે ટ્રેક્ટરના બે ટૂકડા થઇ ગયા હતા. આ અકસ્માતમાં બે લોકોએ પોતાના જીવ ગુમાવ્યા છે જ્યારે ટ્રેક્ટર ઉપર સવાર બે લોકોને ઇજાઓ પહોંચી હતી.

ઇજાગ્રસ્ત બે લોકોને સારવાર માટે હોસ્પિટલ ખસેડવામાં આવ્યા છે. આ ઉપરાંત ઘટનાની જાણ થતાં જ પોલીસ સ્થળ ઉપર પહોંચીને આગળની કાર્યવાહી હાથધરી હતી.