ભ્રસ્ટાચાર@સાબરકાંઠા: બે યુવતી સહિત ત્રણ 1.60 લાખ રૂપિયાની લાંચ લેતા ઝડપાયા

અટલ સમાચાર ડોટ કોમ, ડેસ્ક

એસીબીએ ત્રણ લોકોને એક સાથે લાંચ કેસમાં ઝડપી લીધા છે, કમલેશ ગીરધરભાઇ પટેલ, ધંધો-પ્રાઇવેટ શૈક્ષણિક વ્યવસાય, રહે. સાબલવાડ તા. ઇડર જી. સાબરકાંઠા, કાજલ દિપકભાઇ ત્રિવેદી ઉ.વ. 20, પ્રાઇવેટ નોકરી, ઓફીસ આસીસ્ટન્ટ રહે. લાલપુર તા.ઇડર, જી.સાબરકાંઠા અને ઇશુ પ્રકાશભાઇ પટેલ, ઉ.વ.24, પ્રાઇવેટ નોકરી, ઓફીસ આસીસ્ટન્ટ રહે. કાવા તા. ઇડર જી. સાબરકાંઠાને લાંચ કેસમાં ઝડપી પાડવામાં આવ્યાં છે.આરોપીઓ શ્રી કન્સ્લ્ટીંગ એકેડેમી, અંબિકા કોમ્પ્લેક્ષ, તા.ઇડર જી.સાબરકાંઠામાં 1.60 લાખ રૂપિયાની લાંચ લીધી અને એસીબીએ તરત જ આ લાંચનો પર્દાફાશ કર્યો હતો.

ધોરણ 10 અને 12 ની બોર્ડની પરીક્ષામાં નાપાસ થયેલા તથા ધોરણ 6 પછી અભ્યાસ છોડી દીધેલો હોય તેવા વિદ્યાર્થીઓને રાષ્ટ્રીય મુકત વિદ્યાલયી શિક્ષા સંસ્થાન, નોઇડા મારફતે પરીક્ષા આપીને ડીગ્રી મેળવી શકે તે હેતુથી 22 વિદ્યાર્થીઓનાં ઓનલાઇન પરીક્ષા ફોર્મ ભર્યાં હતા.પરીક્ષા કેન્દ્રમાં બેસનાર વિદ્યાર્થીઓને પાસ કરવી આપવા ઓનલાઇન ફી સિવાય કોઇ રકમ લેવાની ન હોવા છતાં ગેરકાયદેસર રીતે ફરિયાદી પાસે 1.60 લાખ રૂપિયાની રકમ માંગવામાં આવી હતી. ફરિયાદી લાંચ આપવા માંગતા ન હોવાથી તેમને એસીબીનો સંપર્ક કર્યો હતો. જેમાં ત્રણેય આરોપીઓએ સાથે રહીને લાંચ માંગી હતી અને યુવતીઓ લાંચ લેતા ઝડપાઇ ગઇ હતી. હાલમાં ત્રણેયની અટકાયત કરી લેવામાં આવી છે.