Bird flu
આ સમાચાર ને શેર કરવા અહી ક્લિક કરો.

અટલ સમાચાર, ડેસ્ક

બિહારના મુંગેર અને બાંકા પછી હવે જહાનાબાદ જિલ્લામાં પણ બર્ડ ફલુ ફેલાયો છે. જહાનાબાદના સિવિલ સર્જને જણાવેલ કે 1 ફેબ્રુઆરીએ કલેકટર કચેરીના પટાંગણમાં સંખ્યાબંધ મૃત્યુ પામેલ કાગડા મળી આવ્યા હતા. જેમાંથી 2 મૃત કાગડાના નમૂનાની તપાસ ભોપાલની લેબમાં કરાવાતા બર્ડ ફલુના ખતરનાક એચ ફાઈવ એન વાયરસ મળી આવ્યા છે. આ પછી જહાનાબાદમાં બર્ડ ફલુ અંગે હાઈએલર્ટ જાહેર કરેલ છે. પશુપાલન વિભાગે તમામ પોલ્ટ્રી ફાર્મમાં મરઘાના નમૂના લઈ તપાસમાં મોકલવા આદેશ આપ્યા છે. સમગ્ર શહેરમાં બ્લીચીંગ પાવડરનો છંટકાવ થઈ રહ્યો છે.

હોસ્પિટલમાં આઈસોલેશન વોર્ડ બનાવ્યો છે જયાં સંભવિત દર્દીની તપાસ માટે નમૂના એકત્ર કરવા ટીમ બનાવાઈ છે. બિહારની રાજધાની પટણા સહિત મુંગેર, મુઝફફરપુરમાં બર્ડ ફલુ ફેલાયાની માહિતી પરથી મુંગેર અને પટણા જિલ્લામાં સેંકડો મરઘાની કતલ કરવામાં આવી હતી. પટણાના સંજય ગાંધી બોટાનીકલ બગીચામાં બર્ડ ફલુના લીધે કેટલાક મોરના મોત પછી 25 ડિસેમ્બર 2018થી આ ઉદ્યાનમાં પ્રવેશ બંધ કરાયો છે. અહિં એચ ફાઈવ એનના ખતરનાક વાયરસે 6 મોરનો ભોગ લીધો છે. એવીયન ઈન્ફલુએન્ઝા (એચ ફાઈવ એન વન) વાયરસ વિશ્વભરમાં બર્ડ ફલુના નામથી પ્રસિદ્ધ છે. આ વાયરસનો ફેલાયો માણસો અને પક્ષીઓને ઝપટે લઈ ભારે અસર કરે છે. બર્ડ ફલુનું ઈન્ફેકશન મરઘા, ટર્કી, ગીઝ, બતક જેવી પ્રજાતિઓના પક્ષીઓને વધુ અસર કરે છે. બર્ડ ફલુના લક્ષણમાં હંમેશા તાવ, કફ રહેવા, નાકમાંથી પાણી આવવું, માથાનો દુઃખાવો, ગળામાં સોજો, માંસપેશીઓમાં દુઃખાવો, ઝાડા થવા, સતત ઉલ્ટી – ઉબકા થવા, પેટના નીચેના ભાગમાં દર્દ રહેવું, શ્વાસ લેવામાં મુશ્કેલી સર્જાવી, ન્યુમોનિયા થવો, શ્વાસ ચડવો, આંખમાં કન્જકટીવાઈટીસ જોવા મળે તો સાવધાની રાખવી. મરેલા પક્ષીઓથી દૂર રહેવું. જો આસપાસમાં પક્ષીનું મોત થઈ જાય તો તેની જાણ સંબંધિત વિભાગને તુરત કરવી. બર્ડ ફલુવાળા વિસ્તારમાં નોનવેજ ખાવુ નહિં. જયાથી નોનવેજ ખરીદો ત્યાં સફાઈનું પૂરૂ ધ્યાન રાખવુ અને માસ્ક પહેરીને આ વિસ્તારોમાં બહાર નીકળવુ હિતાવહ છે.

30 Sep 2020, 4:18 AM (GMT)

COVID-19 Global Stats

33,950,761 Total Cases
1,014,631 Death Cases
25,216,195 Recovered Cases

LEAVE A REPLY

Please enter your comment!
Please enter your name here

*

code