સિને-જગતઃ આ મામલે બનાવી રિયા ચક્રવર્તીને આરોપી, NCBએ લગાવ્યો ગંભીર આરોપ
અટલ સમાચાર, ડેસ્ક
બોલિવૂડ એક્ટ્રેસ રિયા ચક્રવર્તી પર બુધવારે દેશની એન્ટી ડ્રગ્સ એજન્સી દ્વારા સુશાંત સિંહ રાજપૂત સાથે જોડાયેલાં એક ડ્રગ કેસમાં આરોપ લગાવવામાં આવ્યો છે. એન્ટી ડ્રગ્સ એજન્સીએ લગાવેલાં આરોપ છે કે, દિવંગત બોલિવૂડ એક્ટર અભિનેતા સુશાંત સિંહ રાજપૂતની કથિત ગર્લફ્રેન્ડ રિયા ચક્રવર્તીએ તેનાં ભાઇ સહિત ઘણાં અન્ય આરોપીઓ પાસેથી ડ્રગ્સ ખરીદીને સુશાંતને આપ્યું હતું. એજન્સી દ્વારા દાખલ ચાર્જશીટમાં 2020માં સુશાંત સિંહની આત્મહત્યા બાદ શરૂ કરવામાં આવેલી હાઇ-પ્રોફાઇલ તપાસમાં રિયા અન અન્ય 34 લોકોને આરોપીનાં રૂપમાં રજૂ કરવામાં આવ્યાં છે.
રિયા પર NCBનો આરોપ છે કે એક્ટ્રેસે સુશઆંત સિંહ રાજપૂત માટે ડ્રાગ્સની ખરીદી કરી છે અને તેનાં માટે પૈસા પણ ચુકવ્યાં છે. આ કેસમાં 35 આરોપીઓ વિરુદ્ધ કૂલ 38 આરોપો ઘડવામાં આવ્યાં છે. NCBએ તેના ચાર્જ ડ્રાફ્ટમાં દાવો કર્યો છે કે રિયાએ સેમ્યુઅલ મિરાન્ડા, શોવિક ચક્રવર્તી, દિપેશ સાવંત અને અન્યો પાસેથી ઘણી વખત ગાંજો લીધો હતો. ગાંજાની ડિલિવરી લીધા બાદ રિયાએ તેને સ્વર્ગસ્થ સુશાંત સિંહ રાજપૂતને સોંપી દીધો. રિયાએ માર્ચ 2020 થી સપ્ટેમ્બર 2020 દરમિયાન ગાંજાની આ ડિલિવરી માટે ચૂકવણી કરી. ડ્રાફ્ટ અનુસાર, રિયાએ NDPS એક્ટ 1985ની કલમ 8[c] હેઠળ 20[b][ii]A, 27A,28, 29 અને 30 સાથે ગુનો કર્યો છે. આ કેસમાં તમામ 35 આરોપીઓ સામે આરોપ મુકવામાં આવેલા ડ્રાફ્ટ મુજબ, આ તમામ માર્ચ 2020થી ડિસેમ્બર 2020 સુધી ગુનાહિત ષડયંત્રમાં શામેલ છે. તે આ દરમિયાન એક-બીજાની સાથે કે ગ્રુપ્સમાં નશીલા પદાર્થની ખરીદી, વેચાણ અને અન્ટર સિટી ટ્રાન્સપોર્ટ ઉપરાંત બોલિવૂડ સહિત હાઇ સોસાયટી લોકો સાથે ડિસ્ટ્રીબ્યૂટ કરતાં હતાં. વગર લાઇસન્સ મુંબઇ મહાનગર પાલિકામાં નશીલા પદાર્થની તસ્કરી કરતા હતાં. આ સાથે જ ગાંજા, ચરસ, એલએસડી, કોકેઇનલેતા હતાં જે એક ગુનાહિત કૃત્ય છે.
રિયાના ભાઈ શોવિક સામેના આરોપો દર્શાવે છે કે તે ડ્રગ પેડલર્સ સાથે સતત સંપર્કમાં હતો. તે ગાંજા, ચરસ/હાશિશની ડિલિવરી માટે ઓર્ડર આપતો હતો. શોવિકે અબ્દેલ બાસિત, કૈઝાન ઈબ્રાહિમ, કર્મજીત સિંહ આનંદ અને સૂર્યદીપ મલ્હોત્રા સહિત અન્ય લોકો પાસેથી ગાંજાની ડિલિવરી લીધી અને સુશાંતને આપી દીધી. કેટલીકવાર તેણે તે ડિલિવરી માટે ચૂકવણી કરી હતી અને કેટલીકવાર રિયા ચક્રવર્તી દ્વારા માર્ચ 2020 થી સપ્ટેમ્બર 2020 ના સમયગાળા દરમિયાન ડ્રગ પેડલર્સને.