ફિલ્મજગતઃ વિસર્જન પહેલા દીપિકા પાદુકોણ ખુલ્લા પગે પહોંચી ગણપતિ બાપ્પાના દર્શને

અટલ સમાચાર, ડેસ્ક

લાલબાગના રાજાના દરબારમાં રોજ કોઈને કોઈ સેલેબ્સ આવતા રહે છે. દીપિકા પાદુકોણે ત્યાં વગર ચપ્પલે પહોંચી અને ગણપતિ બાપ્પા પાસે આશીર્વાદ માંગ્યા. દીપિકાની આ તસ્વીર તેમના ફેન્સને ખુબ પસંદ આવી રહી છે.

ટ્રેડિશનલ અવતારમાં હંમેશા જ દીપિકા લોકોનું દિલ જીતી લે છે. અહીં દીપિકા સિલ્કની સાડી પહેરીને આવી હતી. દીપિકાની સાડી હેવી ગોલ્ડન બોર્ડર વાળી હતી, જેની સાથે તેણે વાળમાં ટાઈટ બન વાળ્યો હતો અને હેવી ઈયરરિંગ્સની સાથે પોતાના લુકને કંપ્લીટ કર્યો હતો. દીપિકા જ્યારે ગણપતિ બાપ્પાના દર્શન કરવા માટે પહોંચી તો ત્યાં ભારે ભીડ હતી.

જ્યારે દીપિકા ત્યાંથી નિકળી તો લોકો સેલ્ફી લેતા જોવા મળી રહ્યા હતા આજે ગણેશ ઉત્સવનો છેલ્લો દિવસ છે. આજે અનંત ચતુર્દશીનો દિવસ છે અને આજના જ દિવસે ગણપતિ વિસર્જનની પરંપરા છે. ફિલ્મોની વાત કરવામાં આવે તો દીપિકા પાદુકોણ ટુંક સમયમાં જ ફિલ્મ છપાકમાં જોવા મળશે. છપાક ઉપરાંત દીપિકા ફિલ્મ 83માં પણ કપિલ દેવની પત્નીની ભુમિકામાં જોવા મળશે. આ ફિલ્મમાં કપિલ દેવની ભુમિકા રણવીર સિંહ નિભાવી રહ્યો છે. દીપિકા થોડા દિવસો પહેલા જ લંડનમાં પતિ રણવીરની સાથે 83ની શૂટિંગ કરી રહી હતી.