બ્રેકિંગ@દેશ: લાલ કિલ્લા પરથી PM મોદીની યુવાઓ માટે મોટી જાહેરાત, શું શું કહ્યું? જાણો

અટલ સમાચાર ડોટ કોમ, ડેસ્ક

PM મોદીએ આજે લાલ કિલ્લા પરથી શિક્ષણ વ્યવસ્થામાં સુધારા માટે એક મોટી જાહેરાત કરી છે. તેમણે કહ્યું કે, દેશભરમાં તમામ યુવાઓ માટે ફ્રી ઓનલાઈન કોચિંગની વ્યવસ્થા કરવામાં આવશે. જેનાથી પરિવાર પર આર્થિક બોજ આવશે નહી. ગરીબ અને મધ્યમ વર્ગીય પરિવારોને કોચિંગની ફીના બોજથી રાહત મળશે.લાલ કિલ્લા પરથી પીએમ મોદીએ યુવાનો માટે મોટી જાહેરાત કરી કે,

1. એક વર્ષમાં 1 કરોડ યુવાનોને AI કૌશલ્ય તાલીમ

2.યુવાનો માટે સસ્તો ડેટા ઉપલબ્ધ

3.યુવાનો માટે મફત ઓનલાઈન કોચિંગ

4.ગરીબ અને મધ્યમ વર્ગના બાળકો માટે કોચિંગ
5.યુવાનો માટે મફત પરીક્ષા કોચિંગ

તેઓએ જણાવ્યું કે, વિકસિત ભારતનો સૌથી મોટો લાભાર્થી દેશના યુવાનો છે. યુવાનો અમારી ટોચની પ્રાથમિકતા છે. અમે ખાતરી કરીશું કે યુવાનો માટે સંસાધનોની કોઈ અછત ન રહે. યુવાનો માટે 1 લાખ કરોડ રૂપિયાનું ભંડોળ ફાળવવામાં આવ્યું છે. આગામી વર્ષમાં 1 કરોડ યુવાનોને AI કૌશલ્યમાં તાલીમ આપવામાં આવશે. યુવાનો માટે મફત કોચિંગ આપવામાં આવશે.તેમજ 5 થી 15 વર્ષના બાળકોમાં રમત પ્રતિભાને શોધવા માટે ગામડે ગામડે અને સ્કૂલમાં ટેલેન્ટ હંટ ચલાવવાનો ટાર્ગેટ રાખ્યો છે. યુવાનો પાસે સંસાધનોની કમી ન રહે અને તેમને દરેક ક્ષેત્રમાં નેતૃત્વ માટે તૈયાર કરવા પર ખાસ ભાર મૂકવામાં આવ્યો છે.

આજે ભારત રમતની દુનિયામાં પોતાનું સ્થાન બનાવી ચૂક્યું છે. ભારતનું રાષ્ટ્રીગીત આજે દુનિયાના તમામ પોડિયમ પર સંભળાય છે. કેટલીક યોજનાએ ભારતીય ખેલાડીઓને મદદ કરી છે.ખેલો ઈન્ડિયા ગેમ્સ, રમત માટે કોચિંગ,સ્પોર્ટસ મેડિસિન અને અન્ય સુવિધાઓના વિસ્તારથી યુવાઓ માટે રમતના ક્ષેત્રમાં નવો અવસર આવ્યો છે. ભારત 2026માં ઓલિમ્પિકની મેજબાની માટે મજબુત દાવેદારના રુપમાં ઉભરીને આવ્યું છે. 2030માં કોમનવેલ્થ ગેમ્સની મેદબાની ભારત કરશે.ઓલિમ્પિકમાં અંદાજે 40 રમત હોય છે અને 350 સ્પર્ધાઓ હોય છે. ભારતઆમાંથી કેટલીક રમતમાં ભાગ લેતું નથી. આપણે તે સ્પર્ધામાં ક્વોલિફાય કરી શકતા નથી. પરંતુ તમને ચેલેન્જ આપું છું કે, જે સ્પર્ધામાં ભારતે ક્વોલિફાય કરતું નથી. આપણે તે રમતમાં આગળ વધવા માટે સંપૂર્ણ તાકાત લગાવવી પડશે.