બ્રેકિંગ@કચ્છ: બસ અને ટ્રક વચ્ચે ગોઝારો અકસ્માત, 7 લોકોના મોત, મૃત્યુઆંક વધવાની શક્યતા

અટલ સમાચાર ડોટ કોમ, ડેસ્ક

કચ્ચના ભુજ-મુન્દ્રા રોડ વચ્ચે આવતા કેરા ગામ નજીક મિની લક્ઝરી બસ અને ટ્રેલર વચ્ચે ગંભીર અકસ્માત સર્જાતા 7 લોકોના મૃત્યુ થયા છે અને 4 જેટલા લોકો ગંભીર રૂપથી ઘાયલ થયા છે. મૃત્યુ આંક વધવાની શક્યતા છે. જેના કારણે પોલીસના ઉચ્ચ અધિકારીઓ પણ ઘટનાસ્થળે પહોંચ્યા છે. બસમાં સવાર 40 પૈકી 5થી વધુ લોકોના ઘટનાસ્થળે મોત થયા છે તો અકસ્માતમાં ઈજાગ્રસ્ત લોકોને હોસ્પિટલ ખસેડાયા છે. માહિતી અનુસાર કન્ટેનરને ઓવરટેક કરવા જતા મિની બસને ઝાંખા કઢા પાસે અકસ્માત નડ્યો હતો. જેમાં કન્ટેનર સાથે ટકરાતા બસની આગળનો આખો ભાગ તૂટી ગયો હતો અને લાશો રોડ પર વિખેરાઈ હતી.

બસમાં 40 લોકો જઈ રહ્યા હતા. ત્યારે બપોરના સમયે ગંભીર અકસ્માત થયો હતો. ઘટનામાં 7 લોકોના ઘટનાસ્થળે જ મોત થયા છે. જ્યારે કેટલાક મુસાફરો ઈજાગ્રસ્ત થયા છે. ઘટનાની જાણ થતાની સાથે પોલીસનો કાફલો ઘટનાસ્થળે પહોંચ્યો હતો તો બીજી તરફ ટ્રક અને બસ સામસામે આવી જતા આ ઘટના બની હોવાની વાત સામે આવી છે. ત્યારે પોલીસે સમગ્ર ઘટનાને લઈ આસપાસના લોકોના નિવેદન લીધા છે અને મૃતકોની ઓળખને લઈ પરિવારનો સંપર્ક કરવાનો પ્રયત્ન કર્યો છે, તમામ મૃતદેહને પીએમ માટે હોસ્પિટલમાં મોકલી આપવામાં આવ્યા છે અને મૃતદેહના પીએમ બાદ પરિવારજનોને મૃતદેહ સોંપવામા આવશે.