વેપાર@દેશ: સોના ચાંદીના ભાવ ઘટ્યા! જાણો 24 કેરેટ સોનાનો આજનો ભાવ

અટલ સમાચાર ડોટ કોમ, ડેસ્ક

આજે 28 જાન્યુઆરીએ સોનાના ભાવની વાત કરીએ તો આજે સોનામાં તેજી પર બ્રેક લાગી છે. સોનાના ભાવમાં ઘટાડો થયો છે. વૈશ્વિક બજારોમાં નબળાઈની અસર ભારતીય બજારો પર પણ જોવા મળી છે. મંગળવારે સતત બીજા દિવસે સોનું સસ્તું થયું છે. બજેટ રજૂ થાય તે પહેલાં સોનાના ભાવમાં થોડો સુધારો જોવા મળી રહ્યો છે. આજે 24 કેરેટ અને 22 કેરેટ સોનાના 10 ગ્રામના ભાવમાં 230 રૂપિયાનો ઘટાડો થયો છે. વૈશ્વિક બજારોમાં નબળાઈ અને સ્થાનિક બજારમાં માંગમાં થોડો ઘટાડો થવાને કારણે સોનાના ભાવ નરમ રહ્યા.

આજે મુખ્ય શહેરોમાં 24 કેરેટ સોનાનો ભાવ 82,200 રૂપિયા પ્રતિ 10 ગ્રામ હતો.જ્યારે 22 કેરેટનો ભાવ લગભગ 75,300 રૂપિયા પર ટ્રેડ થઈ રહ્યો છે. ગયા અઠવાડિયે સોનું તેના રેકોર્ડ સ્તરની નજીક પહોંચી ગયું હતું. જોકે તે પછી સોનામાં થોડો સુધારો જોવા મળ્યો છે. 24 કેરેટ સોનું તેની શુદ્ધતા અને ગુણવત્તા માટે જાણીતું છે. જ્યારે 22 કેરેટ સોનું તેની મજબૂતાઈ માટે જાણીતું છે. ઝવેરીઓ 22 કેરેટ સોનાના ઘરેણાં બનાવે છે. મંગળવારે 28 જાન્યુઆરીના રોજ ચાંદીના ભાવમાં 1,000 રૂપિયાનો સુધારો જોવા મળ્યો. ચાંદીનો ભાવ 1000 રૂપિયા ઘટીને 96400 રૂપિયા પ્રતિ કિલો થયો છે. નબળી સ્થાનિક માંગને કારણે ચાંદીના ભાવમાં ઘટાડો થયો છે.