વેપાર@દેશ: સોના-ચાંદીના ભાવમાં ફરી થયો મોટો વધારો, જાણો 22 અને 24 કેરેટ સોનાનો આજનો લેટેસ્ટ ભાવ

અટલ સમાચાર ડોટ કોમ, ડેસ્ક

હાલના સમયમાં આ ટ્રેડીંગ દિવસોમાં સોનાના ભાવમા ગરમાઈ જોવા મળી છે. જ્યારે આજના ટ્રેડીંગ દિવસમાં સોનાના ભાવમાં વધારો થયો અને ચાંદી ના ભાવમાં પણ આજે વધારો જોવા મળ્યો છે. આ ટ્રેડિંગ સપ્તાહના ચોથા દિવસે એટલે કે, આજે સોનું 130 રૂપિયા પ્રતિ 10 ગ્રામ વધીને 89,460 રૂપિયા નોધ્યું હતું. જ્યારે અગાઉના ટ્રેડિંગ દિવસે બુધવારે સોનાનો ભાવ 330 રૂપિયા પ્રતિ 10 ગ્રામ ઘટીને 89,330 રૂપિયા પ્રતિ 10 ગ્રામ પર બંધ થયો હતો.

આજે ચાંદી 1,200 રૂપિયા વધીને 1,02,100 રૂપિયા પ્રતિ કિલો છે. આ પહેલા બુધવારે પણ ચાંદી 100 રૂપિયા પ્રતિ કિલો સસ્તી થઈ હતી અને 1,00,900 રૂપિયાના સ્તરે બંધ થઈ હતી. આજે 24 કેરેટ સોનું 89,460 રૂપિયા, 22 કેરેટ રૂપિયા 82,010 ,18 કેરેટ રૂપિયા 67,100 પ્રતિ 10 ગ્રામ બંધ થયું છે.  MCX અને આંતરરાષ્ટ્રીય બજાર અને સોનાના બજાર દરો ચાંદી કર વગરની છે, તેથી દેશભરના બજારોમાં તેના દરમાં તફાવત છે.સોનું ખરીદતી વખતે ગ્રાહકોએ તેની ગુણવત્તાનું ધ્યાન રાખવું જોઈએ. હોલમાર્ક જોઈને જ સોનાના દાગીના ખરીદવા જોઈએ. હોલમાર્ક એ સોનાની સરકારી ગેરંટી છે અને બ્યુરો ઓફ ઇન્ડિયન સ્ટાન્ડર્ડ્સ (BIS) એ ભારતમાં એકમાત્ર એજન્સી છે જે હોલમાર્ક નક્કી કરે છે.