વેપાર@દેશ: નવરાત્રીના બીજા દિવસે સોના-ચાંદીના ભાવમાં જબરદસ્ત વધારો, જાણો આજનો ભાવ

અટલ સમાચાર ડોટ કોમ, ડેસ્ક

આજે સોનાના ભાવમાં વધારો થયો અને ચાંદી ના ભાવમાં પણ આજે વધારો જોવા મળ્યો છે. સપ્તાહના બીજા દિવસે એટલે કે, મંગળવારે સોનું 760 રૂપિયા પ્રતિ 10 ગ્રામ વધીને 1,14,380 રૂપિયા નોધ્યું હતું. સોમવારે સોનાનો ભાવ 760 રૂપિયા પ્રતિ 10 ગ્રામ ઘટીને 1,12,140 રૂપિયા પ્રતિ 10 ગ્રામ પર બંધ થયો હતો.મંગળવારે ચાંદી 4,100 રૂપિયા વધીને 1,39,000 રૂપિયા પ્રતિ કિલો પર બંધ થઈ હતી. આ પહેલા સોમવારે પણ ચાંદી 100 રૂપિયા પ્રતિ કિલો સસ્તી થઈ હતી અને 1,34,900 રૂપિયાના સ્તરે બંધ થઈ હતી.

મંગળવારે 24 કેરેટ સોનું 1,14,380 રૂપિયા, 22 કેરેટ સોનું 1,04,850 રૂપિયા,18 કેરેટ રૂપિયા 85,800 પ્રતિ 10 ગ્રામ બંધ થયું છે. MCX અને આંતરરાષ્ટ્રીય બજાર અને સોનાના બજાર દરો ચાંદી કર વગરની છે. તેથી દેશભરના બજારોમાં તેના દરમાં તફાવત છે.સોનું ખરીદતી વખતે ગ્રાહકોએ તેની ગુણવત્તાનું ધ્યાન રાખવું જોઈએ. હોલમાર્ક જોઈને જ સોનાના દાગીના ખરીદવા જોઈએ. હોલમાર્ક એ સોનાની સરકારી ગેરંટી છે અને બ્યુરો ઓફ ઇન્ડિયન સ્ટાન્ડર્ડ્સ (BIS) એ ભારતમાં એકમાત્ર એજન્સી છે જે હોલમાર્ક નક્કી કરે છે.