વેપાર@દેશ: આંતરરાષ્ટ્રીય તણાવ વચ્ચે સોના ચાંદીની કિંમતોમાં ગાબડું; સોનું 7448 તો ચાંદી 14304 રુપિયા સસ્તી થઈ

અટલ સમાચાર ડોટ કોમ, ડેસ્ક

સોના અને ચાંદીના ભાવમાં આજે નોંધપાત્ર ઘટાડો થયો છે. MCX પર બજાર ખુલતાની સાથે જ સોનાના ભાવમાં 4.92% અને ચાંદીના ભાવમાં 6%નો ઘટાડો નોંધાયો છે. ત્યારબાદ સોના અને ચાંદીના ભાવ ઘટીને અનુક્રમે 1,37,377 રૂપિયા પ્રતિ દસ ગ્રામ અને 2,13,166 રૂપિયા પ્રતિ કિલોગ્રામ થયા. મધ્ય પૂર્વમાં વધતા તણાવને કારણે ડોલર મજબૂત થવાને કારણે ભાવમાં ઘટાડો થયો છે.શુક્રવારે સોનાનો ભાવ 1,44,825 રૂપિયા પ્રતિ દસ ગ્રામ પર બંધ થયો. જે આજે 7,448 રૂપિયા પ્રતિ દસ ગ્રામના ઘટાડા પછી સોનું ખુલ્યું છે.

શુક્રવારે MCX પર ચાંદીનો ભાવ 2,27,470 રૂપિયા પ્રતિ કિલોગ્રામ પર બંધ થયો. આજે 14,304 રૂપિયા પ્રતિ કિલોગ્રામના મોટા ઘટાડા પછી ખુલ્યો છે.આંતરરાષ્ટ્રીય બજારમાં ડોલર મજબૂત થવાથી અન્ય દેશો માટે સોનું ખરીદવું મોંઘું બને છે, જેના કારણે માંગ ઓછી થાય છે અને ભાવમાં ઘટાડો થાય છે. ગયા વર્ષે (2025) અને 2026 ની શરૂઆતમાં સોનામાં 70% થી વધુ વળતર મળ્યું. રોકાણકારો હવે તેમનો નફો સુરક્ષિત કરવા માટે વેચાણ કરી રહ્યા છે.