વેપાર@દેશ: આજે ફરી સોનાનો ભાવ રેકોર્ડ હાઈ પર પહોંચ્યો, જાણો 22 અને 24 કેરેટની કિંમત

અટલ સમાચાર ડોટ કોમ, ડેસ્ક

આજે બુલિયન માર્કેટ ખુલતા સોના અને ચાંદીના ભાવમાં વધઘટ જોવા મળી રહી છે. દિલ્હીમાં 7 સપ્ટેમ્બરના રોજ 10 ગ્રામ સોનાના ભાવમાં આજે ફરી ધરખમ વધારો થયો છે અને આ સાથે આજે સોનાનો ભાવ રેકોર્ડ હાઈ પર પહોંચી ગયો છે. આજે દિલ્હીમાં 24 કેરેટ સોનાનો ભાવ 1,08,620 રૂપિયા પર છે. જ્યારે 22 કેરેટનો ભાવ 99,600 રૂપિયા પર છે. આ સાથે આજે સોનાના ભાવમાં 1200થી વધારે રુપિયાનો વધારો નોંધાયો છે.

મુંબઈ, ચેન્નાઈ અને કોલકાતામાં 22 કેરેટ સોનાનો ભાવ પ્રતિ 10 ગ્રામ 99,450 રૂપિયા છે, જ્યારે 24 કેરેટ સોનાનો ભાવ પ્રતિ 10 ગ્રામ 1,08,490 રૂપિયા છે.અમદાવાદ, સુરત, રાજકોટ, અને વડોદરામાં 22 કેરેટ સોનાનો ભાવ ₹99,500 રૂપિયા છે. 24 કેરેટ સોનાનો ભાવ પ્રતિ 10 ગ્રામ 1,08,520 રૂપિયા છે.આજે ચાંદીના ભાવમાં ફરી મોટો વધારો નોંધાયો છે. ગઈકાલે ચાંદીનો ભાવ 1,26,900 રૂપિયા પ્રતિ કિલો પર પહોંચી ગયો હતો. જ્યારે આજે ચાંદીનો ભાવ 1,28,000 પર ટ્રેડ કરી રહ્યો છે. આજે ચાંદીના ભાવમાં પણ 100 રુપિયાથી વધારેનો વધારો નોંધાયો છે.