વેપાર@દેશ: સોનાના ભાવમાં નજીવો ઘટાડો, તો ચાંદી ફરી લગાવી લાંબી છલાંગ, જાણો આજનો ભાવ

અટલ સમાચાર ડોટ કોમ, ડેસ્ક

આજે સોનાના ભાવમાં નજીવો ઘટાડો જોવા મળી રહ્યો છે, ત્યાં ચાંદી ફરી એકવાર લાંબી છલાંગ લગાવતી જોવા મળી રહી છે. સોનું શરૂઆતી કારોબારમાં તે 1,54,757 રૂપિયા પર ખૂલ્યું અને 1,54,651 રૂપિયાના નીચલા સ્તર સુધી ગયું. હાલમાં તેની કિંમત 1,54,764 રૂપિયાની આસપાસ છે. રાષ્ટ્રીય રાજધાનીના ઝવેરી બજારમાં સોમવારે સોનાની કિંમત 1,55,000 રૂપિયા પ્રતિ 10 ગ્રામ રહી હતી. જ્યારે ચાંદી ઘટીને 2.45 લાખ રૂપિયા પ્રતિ કિલોના સ્તરે આવી ગઈ હતી. ઈરાન અને ઈઝરાયેલ વચ્ચે ચાલી રહેલા તણાવે સ્થાનિક બજારના સેન્ટિમેન્ટ પર મોટી અસર કરી છે.

ચાંદીએ આજે સૌને ચોંકાવી દીધા છે. શરૂઆતી કારોબારમાં જ તેમાં 2,500 રૂપિયાથી વધુનો ઉછાળો નોંધાયો છે. આ ઉછાળો દર્શાવે છે કે ઔદ્યોગિક માંગ અને વૈશ્વિક અનિશ્ચિતતા વચ્ચે ચાંદીની ચમક હાલમાં ફીકી પડવાની નથી. ઓલ ઇન્ડિયા બુલિયન એસોસિએશનના જણાવ્યા અનુસાર, ટેક્સ સહિત ચાંદીના ભાવ લગભગ એક ટકા ઘટીને 2,45,200 રૂપિયા પ્રતિ કિલો પર બંધ થયા હતા.