વેપાર@દેશ: સોનાના ભાવમાં ફરી એકવાર વધારો જોવા મળ્યો, આજે 1,22,000ને પાર પહોંચ્યો ભાવ

અટલ સમાચાર ડોટ કોમ, ડેસ્ક

આજે મંગળવાર સવારે MCX પર સોનાના ભાવ નવા રેકોર્ડ પર પહોંચ્યા. MCX પર સોનું 1,20,879 પ્રતિ 10 ગ્રામ પર ટ્રેડ થઈ રહ્યું છે. ચાંદીના ભાવ 0.10 ટકા વધીને 1,47,666 પ્રતિ કિલોગ્રામ થયા છે.યુએસમાં ચાલી રહેલી આર્થિક અને રાજકીય અનિશ્ચિતતાઓને કારણે સોના અને ચાંદીના ભાવમાં તીવ્ર વધારો થઈ રહ્યો છે. રોકાણકારો સુરક્ષિત રોકાણ તરીકે સોનું ખરીદી રહ્યા છે, જેના કારણે ભાવમાં સતત વધારો થઈ રહ્યો છે.

આજે દેશના વિવિધ શહેરોમાં સોનાના ભાવમાં આશરે 1,000 નો વધારો થયો. દિલ્હીમાં સોનાનો ભાવ પ્રતિ 10 ગ્રામે 24 કેરેટ સોનાનો ભાવ 1,22,070 તેમજ 22 કેરેટનો ભાવ 1,12,000 પર પહોંચી ગયો છે અને 18 કેરેટ સોનાનો ભાવ 91,670 રુપિયા પર ટ્રેડ થઈ રહ્યો છે.રાષ્ટ્રીય રાજધાની દિલ્હીમાં મંગળવારે ચાંદી પ્રતિ કિલોગ્રામ 1,57,000ના ભાવે વેચાઈ રહી હતી. ચાંદીના ભાવમાં પાછલા દિવસની સરખામણીમાં 1,000 નો વધારો થયો હતો.6 ઓક્ટોબરે દિલ્હીમાં ચાંદીનો ભાવ 1,56,000 હતો. ઓક્ટોબરમાં પણ ચાંદીમાં જોરદાર વધારો જોવા મળી રહ્યો છે.