વેપાર@દેશ: સોનાના ભાવમાં ધરખમ વધારો! શું છે આજનો સોના-ચાંદીનો ભાવ જાણો

અટલ સમાચાર ડોટ કોમ, ડેસ્ક

લગ્નસરાની સિઝન ચાલી રહી છે. આવી સ્થિતિમાં સોના-ચાંદીની માંગ પણ વધારો થયો છે. છેલ્લા કેટલાક દિવસોથી સોના-ચાંદીના ભાવ આસમાને પહોંચી રહ્યા છે ત્યારે સોનું આઝે ફરી ઓલ ટાઈમ હાઈ પર પહોચી ગયુ છે. આજે સોનાનો ભાવ 86 હજાર રૂપિયાને પાર કરી ગયો છે. આજે 7 ફેબ્રુઆરી, 2025, શુક્રવારના રોજ, 24 કેરેટ સોનાની કિંમત 86,670 રૂપિયા છે, 22 કેરેટ સોનાની કિંમત 79,460 રૂપિયા પ્રતિ 10 ગ્રામ છે.

આમ સોનાના ભાવ ઓલ ટાઈમ હાઈ પર પહોંચી ગયા છે. આજે દિલ્હીમાં 24 કેરેટ સોનાના 10 ગ્રામની કિંમત 86 હજાર 670 રૂપિયા છે. જ્યારે 22 કેરેટ સોનાની કિંમત અંદાજે 79,460 રૂપિયા પ્રતિ 10 ગ્રામ છે. અમદાવાદમાં 22 કેરેટ સોનાની કિંમત 79,360 રૂપિયા પ્રતિ 10 ગ્રામ છે. જ્યારે 24 કેરેટ સોનાની કિંમત 86,570 રૂપિયા પ્રતિ 10 ગ્રામ છે. જ્યારે ચાંદીની વાત કરીએ તો આજે 7 ફેબ્રુઆરી 2025 ના રોજ ચાંદીની કિંમત 99,400 રૂપિયા પ્રતિ કિલો છે.

યુએસ જોબ્સના ડેટા બહાર આવ્યા પહેલા સોનાના ભાવમાં થોડી નબળાઈ જોવા મળી હતી, પરંતુ પછી નીચલા સ્તરેથી શાનદાર રિકવરી જોવા મળી હતી. સોના અને ચાંદીમાં લગભગ અડધા ટકાનો વધારો છે. સોનાનો દર 2890 ડોલર પ્રતિ ઓન પર ટ્રેડ થઈ રહ્યો છે, જે અત્યાર સુધીનું ઉચ્ચ સ્તર છે. એ જ રીતે ચાંદીની કિંમત પણ પ્રતિ ઓન્સ $33ની નજીક પહોંચી ગઈ છે. અમેરિકા અને ચીન વચ્ચેના વેપાર તણાવને કારણે સોનાના ભાવ વધી રહ્યા છે.