વેપાર@દેશ: સોનાના ભાવમાં ફરી ભડકો, જાણો આજનો 22 અને 24 કેરેટનો ભાવ
અટલ સમાચાર ડોટ કોમ, ડેસ્ક
આજે 28 માર્ચે સતત બીજા દિવસે સોનું મોંઘુ થયું છે. દેશના મોટા શહેરોમાં 24 કેરેટ સોનાનો ભાવ 90,000 રૂપિયા અને 22 કેરેટ સોનાનો ભાવ 82,400 રૂપિયાની ઉપર ટ્રેડ થઈ રહ્યો છે. ગઈકાલની સરખામણીએ આજે સોનું 450 રૂપિયા મોંઘુ થયું છે. દિલ્હીમાં 22 કેરેટ સોનાની કિંમત 82,510 રૂપિયા અને 24 કેરેટ સોનાની કિંમત 90,000 રૂપિયા પ્રતિ 10 ગ્રામ હતી. મુંબઈમાં 22 કેરેટ સોનું 81,960 રૂપિયા અને 24 કેરેટ સોનું 89,850 રૂપિયા પ્રતિ 10 ગ્રામ પર ટ્રેડ થઈ રહ્યું છે.
અમદાવાદ, સુરત, રાજકોટ અને વડોદરા જેવા શહેરોમાં આજે 24 કેરેટ સોનાની કિંમત 89,900 પ્રતિ 10 ગ્રામ છે જ્યારે 22 કેરેટ સોનાનો ભાવ 82,410એ ટ્રેડ થઈ રહ્યો છે. 28 માર્ચ 2025ના રોજ ચાંદીનો ભાવ 1,01,900 રૂપિયા પ્રતિ કિલો હતો. ગઈકાલની સરખામણીએ આજે ચાંદીના ભાવમાં ઘટાડો જોવા મળી રહ્યો છે.આંતરરાષ્ટ્રીય બજારમાં સોનાના ભાવ વધવા પાછળ ઘણા કારણો છે. સૌથી મોટું કારણ વૈશ્વિક આર્થિક અસ્થિરતા અને ભૌગોલિક રાજકીય તણાવ છે, જેના કારણે રોકાણકારો સુરક્ષિત સંપત્તિ તરફ વળ્યા છે. આ સિવાય અમેરિકામાં સંભવિત નવા ટેરિફ અને આર્થિક મંદીના સંકેતો પણ સોનાના ભાવને પ્રભાવિત કરી રહ્યા છે.
