વેપાર@દેશ: સોનાના ભાવમાં તોફાની તેજી, ચાંદીના ભાવમાં ઘટાડો

અટલ સમાચાર ડોટ કોમ, ડેસ્ક

અમેરિકાના રાષ્ટ્રપતિ ડોનાલ્ડ ટ્રમ્પે વિશ્વના તમામ દેશો સામે રેસિપ્રોકલ ટેરિફની જાહેરાત કરી છે. જેના કારણે આંતરરાષ્ટ્રીય બજારમાં સોનાના ભાવમાં ઉછાળો જોવા મળ્યો. મલ્ટી કોમોડિટી એક્સચેન્જ પર પણ સોનાના ભાવમાં થોડો વધારો થયો હતો. MCX પર સોનાના ભાવ 90728 રૂપિયા પ્રતિ 10 ગ્રામથી વધીને 91230 રૂપિયા પ્રતિ 10 ગ્રામ પર ખુલ્યા.બાદમાં MCX પર ટ્રેડિંગ દરમિયાન સોનાનો ભાવ 91423 રૂપિયાના નવા રેકોર્ડ સ્તરે પહોંચ્યો.આ સમયગાળા દરમિયાન ચાંદીના ભાવમાં થોડો ઘટાડો જોવા મળ્યો હતો.

ચાંદીના ભાવ 99753 રૂપિયા પ્રતિ કિલોથી વધીને 99658 રૂપિયા પ્રતિ કિલો પર ખુલ્યા. સવારે 9:10 વાગ્યે MCX પર સોનાનો ભાવ 557 રૂપિયા અથવા 0.61 ટકા વધીને 91285 રૂપિયા પ્રતિ 10 ગ્રામ પર ટ્રેડ થઈ રહ્યો હતો. તે જ સમયે MCX પર ચાંદીનો ભાવ 1561 રૂપિયા અથવા 1.56 ટકાના ઘટાડા સાથે 98192 રૂપિયા પ્રતિ કિલો હતો. આંતરરાષ્ટ્રીય બજારમાં પણ સોનાનો ભાવ રેકોર્ડ ઉચ્ચ સ્તરે પહોંચી ગયો છે. આજે શરૂઆતના કારોબારમાં હાજર સોનાનો ભાવ 0.4 ટકા વધીને 3145.93 ડોલર પ્રતિ ઔંસ થયો હતો. જે 3167.57 ડોલરના સર્વકાલીન ઉચ્ચતમ સ્તરને સ્પર્શ્યો હતો. યુએસ ગોલ્ડ ફ્યુચર્સ 0.1 ટકા વધીને 3170.70 ડોલર પર પહોંચ્યું.