વેપાર@દેશ: ચાંદી ઑલટાઇમ હાઇ પર પહોંચી, સોનાના ભાવમાં પણ વધારો

અટલ સમાચાર ડોટ કોમ, ડેસ્ક

ચાંદીના ભાવ આજે (5 ડિસેમ્બર) ઑલ ટાઇમ હાઇ પર પહોંચી ગયા છે. 1 કિલો ચાંદીનો ભાવ 2400 રૂપિયાથી વધીને 1,79,025 રૂપિયા થઈ ગયો છે. આ પહેલાં ચાંદીની કિંમત 1,76,625 રૂપિયા પ્રતિ કિલોગ્રામ હતી.  10 ગ્રામ સોનું 733 રૂપિયા મોંઘું થઈને 1,28,578 રૂપિયા સુધી પહોંચી ગયું છે. આ પહેલા સોનું 1,27,845 રૂપિયા હતું. 17 ઑક્ટોબરે સોનાએ 1,30,874 રૂપિયા ઑલ ટાઇમ હાઇ બનાવ્યું હતું.

સોનાની કિંમતોમાં 3% GST, મેકિંગ ચાર્જ અને જ્વેલર્સ માર્જિન સામેલ નથી હોતું. તેથી અલગ-અલગ શહેરોના ભાવ અલગ-અલગ હોય છે. પંજાબ નેશનલ બૅન્ક સહિત અનેક બૅન્ક ગોલ્ડ લોન રેટ નક્કી કરવા માટે આ કિંમતોનો ઉપયોગ કરે છે. 31 ડિસેમ્બર 2024ના રોજ 10 ગ્રામ 24 કેરેટ સોનાનો ભાવ રૂ. 76,162 હતો, જે હવે વધીને રૂ. 1,28,578 થયો છે. એટલે કે, આ વર્ષે સોનાની કિંમતમાં રૂ. 52,416નો વધારો થયો છે. 31 ડિસેમ્બર 2024ના રોજ 1 કિલો ચાંદીની કિંમત રૂ. 86,017 હતી, જે હવે રૂ. 1,79,025 પ્રતિ કિલો થઈ છે. એટલે કે, આ વર્ષે ચાંદીના ભાવમાં રૂ. 90,003નો વધારો થયો છે.