વેપાર@દેશ: સોનાનાં ભાવમાં ફરી આજે ઘટાડો! ચાંદી 90,000એ પહોંચી, જાણો આજનો ભાવ

અટલ સમાચાર ડોટ કોમ, ડેસ્ક

આજે સોના અને ચાંદીની કિંમતોમાં ઘટાડો નોંધાયો છે પણ સાથે કેટલાક દિવસોથી તેની કિંમતો ઘટી રહી છે. હજુ પણ સોના-ચાંદીની કિંમતો ઘટી શકે છે. ભારતમાં આજે 22 કેરેટ સોનાની કિંમત રૂ. 6590 પ્રતિ ગ્રામ રહી છે તો સાથે 24 કેરેટ સોનાની કિંમત રૂ. 7188 પ્રતિ ગ્રામ રહી છે. ચાંદીની વાત કરીએ તો એક કિલો ચાંદીનો ભાવ રૂ. 90,000 થયો છે. હાલમાં 24 કેરેટ સોનું 72 હજાર રૂપિયા પ્રતિ 10 ગ્રામ છે. એક દિવસ પહેલા એટલે કે બુધવારે સોના અને ચાંદીના ભાવમાં ઘટાડો થયો હતો.

22 કેરેટ સોનું 10 ગ્રામ દીઠ 250 રૂપિયા અને 24 કેરેટ સોનું 230 રૂપિયા પ્રતિ 10 ગ્રામ ઘટ્યું છે. આ ઘટાડા સાથે, 22 કેરેટ સોનાની કિંમત 66,000 રૂપિયા પ્રતિ 10 ગ્રામ અને 24 કેરેટ સોનાની કિંમત 72,000 રૂપિયા પ્રતિ 10 ગ્રામ છે. 18 કેરેટ સોનાની કિંમત પણ 54,000 રૂપિયા પ્રતિ 10 ગ્રામ છે. બુધવારે ચાંદી પણ રૂ. 1000 પ્રતિ કિલો ઘટીને રૂ. 90 હજાર પ્રતિ કિલો થઈ ગઈ હતી. સરકાર સોના-ચાંદીના ભાવ અંગે કોઈ સીધો નિર્ણય લેશે નહીં. સરકાર બજેટમાં બંને ધાતુઓ પર આયાત ડ્યુટી ઘટાડવાની જાહેરાત કરી શકે છે. આ ઘટાડો 5 ટકા સુધીનો હોઈ શકે છે.

હાલમાં આ બંને ધાતુઓ પર આયાત જકાત 15 ટકા છે. જો આયાત ડ્યૂટી 5 ટકાથી ઘટાડીને 10 ટકા કરવામાં આવે તો સોના-ચાંદીના ભાવમાં ઘટાડો થશે. સોના અને ચાંદીના ભાવમાં ઘટાડો થઈ શકે છે. જો સરકાર બજેટમાં ઈમ્પોર્ટ ડ્યૂટી 5 ટકા ઘટાડશે તો સોનું 3000 રૂપિયા સસ્તું થઈ શકે છે. તે જ સમયે ચાંદી પણ 3800 રૂપિયા સસ્તી થઈ શકે છે.