વેપાર@દેશ: સોનાના ભાવમાં ઉછાળો, ચાંદી પણ ઓલટાઈમ હાઈ પર પહોંચી

અટલ સમાચાર ડોટ કોમ, ડેસ્ક

ભાદરવા મહિનાનો આજથી આરંભ થયો છે. ત્યારે ભાદરવાની શરૂઆતની સાથે જ બુલિયન બજારમાં સોના-ચાંદીના ભાવમાં ઉછાળો જોવા મળી છે. આજે 24 ઓગસ્ટે બજાર ખુલતા જ સોનાના ભાવમાં મોટો વધારો થયો છે. દિલ્હીમાં 10 ગ્રામ સોનાના ભાવમાં 1100 રુપિયાનો મોટો વધારો નોંધાયો છે. આજે 24 કેરેટ સોનાનો ભાવ 1,01,770 રૂપિયા પર છે.જ્યારે 22 કેરેટનો ભાવ 93,300 રૂપિયા પર છે.

મુંબઈ, ચેન્નાઈ અને કોલકાતામાં 22 કેરેટ સોનાનો ભાવ પ્રતિ 10 ગ્રામ 93,150 રૂપિયા છે, જ્યારે 24 કેરેટ સોનાનો ભાવ પ્રતિ 10 ગ્રામ 1,01,620 રૂપિયા છે. અમદાવાદ, સુરત, રાજકોટ, અને વડોદરામાં 22 કેરેટ સોનાનો ભાવ 93,200 રૂપિયા છે. 24 કેરેટ સોનાનો ભાવ પ્રતિ 10 ગ્રામ 1,01,670 રૂપિયા છે.આજે ચાંદીના ભાવમાં મોટો વધારો નોંધાયો છે. આજે 1 કિલો ચાંદીનો ભાવ 1,20,000 રૂપિયા પ્રતિ કિલો પર પહોંચી ગયો છે. ગઈકાલની સરખામણીમાં આજે ચાંદીના ભાવમાં રુપિયા 2000નો વધારો નોંધાયો છે. ગઈકાલે ચાંદીનો ભાવ 1,18,100 પર ટ્રેડ કરી રહ્યો હતો આજે ફરી મોટો ઉછાળો આવ્યો છે.