વેપાર@દેશ: સોના ચાંદીના ભાવમાં સતત ઘટાડો, 24 કેરેટ સોનું 1.36 લાખ પર આવી ગયું

 
ગોલ્ડ
ચાંદીના ભાવમાં રૂ.5,000નો મોટો ઘટાડો

અટલ સમાચાર ડોટ કોમ, ડેસ્ક

સોનાના ભાવમાં સતત ઘટાડો જોવા મળી રહ્યો છે. 17 નવેમ્બરની સવારે રાજધાની દિલ્હીમાં 24 કેરેટ સોનાનો ભાવ ઘટીને પ્રતિ 10 ગ્રામ રૂ.1,36,940 થયો છે. એક દિવસ પહેલાં દિલ્હીના સરાફા બજારમાં 99.9 ટકા શુદ્ધતા ધરાવતા સોનાના ભાવમાં રૂ.900નો ઘટાડો નોંધાયો હતો. આંતરરાષ્ટ્રીય બજારમાં સ્પોટ ગોલ્ડનો ભાવ પ્રતિ ઔંસ $3,856.52 પર પહોંચ્યો છે. પાછલા સપ્તાહ દરમિયાન વૈશ્વિક બજારમાં સોનાના ભાવમાં 4.5 ટકાનો ઘટાડો નોંધાયો હતો.અમેરિકામાં ડિસેમ્બર મહિનામાં બેન્ચમાર્ક વ્યાજદરમાં વધારો થવાની શક્યતા હવે લગભગ નિશ્ચિત માનવામાં આવી રહી છે. જો આવું થાય તો સોનાના ભાવમાં વધુ ઘટાડો થઈ શકે છે.

વર્ષ 2027ના અંત સુધીમાં સોનાનો ભાવ પ્રતિ ઔંસ $6,200 અને ચાંદીનો ભાવ પ્રતિ ઔંસ $180 સુધી પહોંચી શકે છે.દિલ્હીમાં, 24 કેરેટ સોનાના ભાવ પ્રતિ 10 ગ્રામ રૂ.1,36,940 છે, જ્યારે 22 કેરેટ સોનાનો ભાવ પ્રતિ 10 ગ્રામ રૂ.1,25,540 છે. મુંબઈ, ચેન્નાઈ અને કોલકાતામાં 22 કેરેટ સોનાનો ભાવ પ્રતિ 10 ગ્રામ રૂ.1,25,390 છે, જ્યારે 24 કેરેટ સોનાનો ભાવ પ્રતિ 10 ગ્રામ રૂ.1,36,790 છે. અમદાવાદ, સુરત, રાજકોટ અને વડોદરા જેવા શહેરોમાં 22 કેરેટ સોનાનો ભાવ પ્રતિ 10 ગ્રામ રૂ.1,25,440 છે, જ્યારે 24 કેરેટ સોનાનો ભાવ પ્રતિ 10 ગ્રામ રૂ.1,36,840 છે. બીજી કિંમતી ધાતુ ચાંદીના ભાવમાં પણ ઘટાડો અટકવાનું નામ નથી લઈ રહ્યો. 17 નવેમ્બરની સવારે ચાંદીનો ભાવ પ્રતિ કિલોગ્રામ રૂ.1,89,900 નોંધાયો છે. એક દિવસ પહેલાં દિલ્હીના સરાફા બજારમાં ચાંદીના ભાવમાં રૂ.5,000નો મોટો ઘટાડો થયો હતો.