વેપાર@દેશ: કરવાચોથ પહેલા સોનાના ભાવમાં તેજી, જાણો આજનો લેટેસ્ટ રેટ

અટલ સમાચાર ડોટ કોમ, ડેસ્ક

આજે સોનાના ભાવમાં તેજી જોવા મળી રહી છે. સવારે અનેક શહેરોમાં 24 કેરેટ અને 22 કેરેટ સોનાના ભાવ વધ્યા છે. દેશની રાજધાની દિલ્હીમાં 24 કેરેટ સોનાનો ભાવ વધીને રૂ.1,43,450 પ્રતિ 10 ગ્રામ થયો છે. એક દિવસ પહેલાં દિલ્હીના સરાફા બજારમાં સોનાના ભાવમાં રૂ.500નો ઘટાડો થયો હતો. ડૉલરની મજબૂતી અને વૈશ્વિક બજારમાં સોનાના ભાવમાં નરમાઈ સ્થાનિક બજારમાં ભાવ ઘટવાનાં મુખ્ય કારણો હતાં. નજીકના સમયમાં સ્થાનિક બજારમાં સોનાના ભાવમાં ઉતાર-ચઢાવ ચાલુ રહેવાની શક્યતા છે.

આંતરરાષ્ટ્રીય બજારમાં હાજર સોનું એટલે કે સ્પોટ ગોલ્ડનો ભાવ પ્રતિ ઔંસ 4,055.14 ડૉલર છે. રોકાણકારો 28 ઑક્ટોબરે યોજાનારી અમેરિકાની ફેડરલ રિઝર્વની નાણાકીય નીતિ બેઠકના પરિણામોની રાહ જોઈ રહ્યા છે. સપ્ટેમ્બરની બેઠકમાં અમેરિકાની કેન્દ્રીય બેંકે બેન્ચમાર્ક વ્યાજદરમાં 0.25 ટકાનો વધારો કર્યો હતો.દિલ્હીમાં 24 કેરેટ સોનાનો ભાવ રૂ.1,43,450 પ્રતિ 10 ગ્રામ છે, જ્યારે 22 કેરેટ સોનાનો ભાવ રૂ.1,31,510 પ્રતિ 10 ગ્રામ નોંધાયો છે. મુંબઈ અને કોલકાતામાં 22 કેરેટ સોનાનો ભાવ રૂ.1,31,360 પ્રતિ 10 ગ્રામ છે. જ્યારે 24 કેરેટ સોનાનો ભાવ રૂ.1,43,300 પ્રતિ 10 ગ્રામ છે. ચેન્નાઈમાં 24 કેરેટ સોનાનો ભાવ રૂ.1,43,300 પ્રતિ 10 ગ્રામ છે. જ્યારે 22 કેરેટ સોનાનો ભાવ રૂ.1,31,360 પ્રતિ 10 ગ્રામ છે. પુણે અને બેંગલુરુમાં 24 કેરેટ સોનાનો ભાવ રૂ.1,43,300 પ્રતિ 10 ગ્રામ છે. જ્યારે 22 કેરેટ સોનાનો ભાવ રૂ.1,31,360 પ્રતિ 10 ગ્રામ નોંધાયો છે.અમદાવાદમાં 28 ઓક્ટોબરના રોજ 22 કેરેટ સોનું, રૂ.1,31,410 પ્રતિ 10 ગ્રામ છે.

જ્યારે 24 કેરેટ સોનું રૂ.1,43,300 પ્રતિ 10 ગ્રામ છે.બીજી કિંમતી ધાતુ ચાંદીના ભાવમાં ઘટાડાનો ટ્રેન્ડ યથાવત્ છે. 28 ઓક્ટોબરની સવારે ચાંદીનો ભાવ રૂ.2,19,900 પ્રતિ કિલોગ્રામ નોંધાયો છે. એક દિવસ પહેલાં દિલ્હીના સરાફા બજારમાં ચાંદીના ભાવમાં રૂ.4,000નો ઘટાડો થયો હતો. આ વર્ષે જાન્યુઆરીમાં દેશમાં ચાંદીનો ભાવ પ્રતિ કિલોગ્રામ રૂ.4 લાખના રેકોર્ડ સ્તરે પહોંચ્યો હતો.