વેપાર@દેશ: ચાંદીના ભાવમાં મોટો ઉછાળો, સોનું પણ થયું મોંઘું, જાણો આજના લેટેસ્ટ રેટ

અટલ સમાચાર ડોટ કોમ, ડેસ્ક

વાયદા બજારમાં ફરી એકવાર સોના-ચાંદીની કિંમતોમાં ઉછાળો આવતા ટ્રેડિંગના નવા અઠવાડિયાના પહેલા દિવસ એટલે કે સોમવારે સકારાત્મક શરૂઆત થઇ છે. સોનામાં પ્રતિ દસ ગ્રામની કિંમતોમાં સામાન્ય એવો ઉછાળો આવ્યો હતો પરંતુ ચાંદીમાં પ્રતિ કિલોએ મોટો ઉછાળો નોંધાયો હતો.આજે સોનાના ભાવમાં તેજીનું મોજું ફરી વળ્યું છે. એમસીએક્સ (MCX) પર ગોલ્ડનો અગાઉનો બંધ ભાવ રૂ.1,47,489.00 હતો, જેની સામે આજનું ઓપનિંગ રૂ.1,47,781.00 ના મથાળે થઈ હતી. કારોબારી સત્ર દરમિયાન સોનાએ ઊંચામાં રૂ.1,48,170.00 અને નીચામાં રૂ.1,47,589.00 ની સપાટી સ્પર્શી હતી. હાલમાં સોનું રૂ.626.00 એટલે કે 0.42 ટકાના ઉછાળા સાથે રૂ.1,48,115.00 ની સપાટીએ ટ્રેડ થઈ રહ્યું છે.

બજારમાં સતત નીકળતી નવી ખરીદીને પગલે રોકાણકારોમાં ભારે ઉત્સાહ જોવા મળી રહ્યો છે.સોનાની ચાલને અનુસરતા આજે ચાંદીના વાયદા બજારમાં પણ રોનક જોવા મળી છે અને શાનદાર તેજી નોંધાઈ છે. એમસીએક્સ પર સિલ્વરનો અગાઉનો બંધ ભાવ રૂ.2,10,660.00 હતો, જે ઊછળીને આજે રૂ.2,11,792.00 ના સ્તરે ખુલી હતી. દિવસ દરમિયાન ચાંદીએ ઊંચામાં રૂ.2,13,200.00 અને નીચામાં રૂ.2,11,588.00 ની સપાટી બનાવી હતી. હાલમાં ચાંદી રૂ.2,227.00 એટલે કે 1.06 ટકાના મજબૂત ઉછાળા સાથે રૂ.2,12,887.00 ના સ્તરે કારોબાર કરી રહી છે. કીમતી ધાતુઓમાં આવેલી આ જોરદાર તેજી આગામી દિવસોમાં બજારની દિશા નક્કી કરવામાં મહત્વની સાબિત થશે.