છેતરપિંડી@પુણે: પિંપરી ચિંચવાડમાં પોલીસે નકલી ચલણ છાપવાના રેકેટનો કર્યો પર્દાફાશ

અટલ સમાચાર ડોટ કોમ, ડેસ્ક

આ રેકેટનો પર્દાફાશ 25 ફેબ્રુઆરીએ થયો હતો જ્યારે પોલીસે રિતિક ખડસે નામના વ્યક્તિને પકડીને તેની પાસેથી 500 રૂપિયાની 140 નોટો જપ્ત કરી હતી. તપાસ દરમિયાન તેમને જાણવા મળ્યું કે નોટો નકલી છે.

પિંપરી ચિંચવડ પોલીસ અધિકારીએ જણાવ્યું કે પૂછપરછ દરમિયાન આરોપીઓએ ખુલાસો કર્યો કે તેઓએ દીઘી (પિંપરી ચિંચવડમાં)માં નકલી ચલણી નોટો છાપી હતી. જ્યારે જગ્યા પર દરોડો પાડવામાં આવ્યો ત્યારે જાણવા મળ્યું કે નકલી નોટો છાપવામાં વધુ પાંચ લોકો સંડોવાયેલા છે અને 500ની 300 નોટો જપ્ત કરવામાં આવી છે.તેમણે કહ્યું કે સ્થળ પરથી એક પ્રિન્ટર, એક લેપટોપ, ભારતીય ચલણના કાગળ, શાહી, પેપર કટીંગ મશીન અને અન્ય વસ્તુઓ પણ જપ્ત કરવામાં આવી છે.

તેમણે કહ્યું કે અત્યાર સુધીમાં અમે આરોપીઓ પાસેથી 500 રૂપિયાની 440 નોટો, 4684 આંશિક પ્રિન્ટેડ નોટો અને 1000 ભારતીય ચલણના કાગળો જપ્ત કર્યા છે. તપાસ દરમિયાન જાણવા મળ્યું કે એક આરોપીએ ચીનની ઈ-કોમર્સ વેબસાઈટ પર ખાતું ખોલાવ્યું હતું અને નોટો છાપવા માટે તે દેશમાંથી કરન્સી પેપર મંગાવ્યું હતું.