રસોઇઃ લૉકડાઉનમાં એકદમ ઓછી વસ્તુઓથી બનશે હેલ્ધી ‘બાજરીનાં વડા’

અટલ સમાચાર, વિસનગર (કિરણબેન ઠાકોર)

અત્યારે લૉકડાઉનમાં કંઇક ટેસ્ટી અને હેલ્ધી ખાવાનું મન થયું હોય તો ઘરે બનાવો બાજરીનાં વડા. આ વડા બનાવવા માટે તમને ઘણી ઓછી વસ્તુઓની જરૂર પડશે. આ વડા તમે નાસ્તામાં પણ બનાવી શકો છો. બાજરીનાં વડા બે દિવસ બહાર સારા રહે છે. આ વડા તમે ગરમાગરમ ચા સાથે પણ ખાઇ શકો છો. તો જોઇએ આ ટેસ્ટી વડાની રીત.

અટલ સમાચાર આપના મોબાઇલમાં મેળવવા અહિં ક્લિક કરો

સામ્રગી

500 ગ્રામ બાજરીનો લોટ
200 ગ્રામ ખાટું દહીં
આદું-મરચાંની પેસ્ટ
મીંઠુ સ્વાદનુસાર
મેથીની ભાજી (તાજી કે સૂકી પણ લઇ શકો)
તલ
7/8 કળી લસણ
ચપટી હીંગ
ચપટી હળદર

રીત

સૌપ્રથમ બાજરીના લોટમાં મેથીની ભાજી ઝીણી સમારીને નાખવી. ત્યારબાદ તેમાં લસણ, આદું-મરચાંની પેસ્ટ, હીંગ, હળદર અને મીંઠુ નાખી ખાટા દહીંથી લોટ બાંધવો. આ લોટને 15થી 20 મિનિટ બાજુમાં રહેવા દો. ત્યારબાદ તેલ ગરમ થાય એટલે હાથથી થેપીને વડા તૈયાર કરો. હવે એક કઢાઈમાં તેલ ગરમ કરો. ધીમી આંચે આ વડા ફ્રાય કરો. લાઈટ ગોલ્ડન બ્રાઉન રંગના થાય ત્યાં સુધી તળો, પછી તેને બહાર કાઢીને સોસ સાથે પીરસો.