અટલ સમાચાર, ડીસા
બનાસકાંઠા જિલ્લાના વેપારીમથક ડીસા શહેરમાં આવેલા રહેણાંક વિસ્તાર એવા પોસ્ટ ઓફીસની બાજુમાં એક કોમર્શીયલ બાંધકામ છેલ્લા કેટલાય સમયથી ચાલી રહ્યુ
હતું. જોકે તે શોપિંગ સેન્ટર ઉપર અગાઉ પણ નગરપાલિકા દ્વારા સ્ટે આપવામાં આવ્યો હોવાછતાં શોપિંગ સેન્ટરના માલિક દ્વારા કાયદાને ઘોળીને પી ગયા હોય તેવું લાગી રહ્યું હતું. ત્યારે મીડિયા અહેવાલો બાદ નગરપાલિકાના સત્તાધીશો જાણે હરકતમાં આવી ગયા હતા.
ડીસા નગરપાલિકાના ચીફ ઓફિસરે તાત્કાલિક ધોરણે ફરી એકવાર ડીસા શહેરના પોસ્ટ ઓફિસ પાસે બની રહેલું એક વિશાળ શોપિંગ સેન્ટર બાબતે સ્ટેટસ આપવામાં આવ્યો છે અને સાધન સામગ્રી પણ નગરપાલિકાના સત્તાધીશો દ્વારા જપ્ત કરવામાં આવી હતી. જ્યારે એક તરફ ભારતના વડાપ્રધાન નરેન્દ્રભાઈ મોદી દ્વારા ભ્રષ્ટાચાર દૂર કરવાની વાતો કરવામાં આવી રહી છે ત્યારે ડીસા નગરપાલિકામાં ભાજપનું શાસન હોવા છતાં ભ્રષ્ટાચારે માઝા મૂકી હોય અને નગરપાલિકાના કેટલાક સેટિંગબાજ લોકો પાલિકામાં અડ્ડો જમાવીને બેઠા છે તેવું હાલના તબક્કે દેખાઈ રહ્યું છે.
પાલિકાના સરકારી કર્મચારી કોઈપણ જાગૃત નાગરિકો દ્વારા દબાણ શાખામાં કોઈપણ બાબતની અરજી કરવામાં આવે ત્યારે માહિતી પાલિકામાંથી જ લીંક થઈ રહી છે. અને ડાયરેક્ટ જે-તે દબાણકર્તાને પહોંચી જતી હોવાનું પણ લોકોમાં જોરશોરથી ચર્ચાઈ રહ્યું છે.