નિર્ણય@ગુજરાત: ભારે વરસાદની આગાહીને પગલે GPSC અને TAT-HSની પરીક્ષાઓ મોકૂફ

અટલ સમાચાર ડોટ કોમ, ડેસ્ક

ગુજરાતમાં અમદાવાદ સહિતના વિસ્તારોમાં અતિભારે વરસાદની આગાહી છે. અતિભારે વરસાદને લઈને રાજ્ય પરીક્ષા બોર્ડની શિક્ષક અભિરુચિ કસોટી (ઉચ્ચત્તર માધ્યમિક)–2026 (TAT-HS) અને ગુજરાત જાહેર સેવા આયોગ(GPSC) પરીક્ષા મોકૂફ રાખવામાં આવી છે. SEB અને GPSCએ પરીક્ષાની નવી તારીખ જાહેર કરી છે. ધોધમાર વરસાદની હવામાન વિભાગની આગાહીને લઈને આગામી 2 ઑગસ્ટના રોજ યોજાનાર શિક્ષક અભિરુચિ કસોટી (ઉચ્ચત્તર માધ્યમિક) – 2026 (TAT-HS)ની ગુજરાતી માધ્યમની મુખ્ય પરીક્ષાની તારીખમાં ફેરફાર કરવામાં આવ્યો છે.

હવે આ પરીક્ષા 8 ઑગસ્ટ, 2026એ શનિવારના રોજ યોજાશે.રાજ્ય પરીક્ષા બોર્ડ(SEB)ના સચિવ દ્વારા સ્પષ્ટતા કરવામાં આવી છે કે, ઉમેદવારોએ નવી હોલ ટિકિટ ફરીથી ડાઉનલોડ કરવાની રહેશે નહીં. આમ, અગાઉ ડાઉનલોડ કરેલી હોલ ટિકિટ જ માન્ય ગણાશે. તેમજ પરીક્ષા કેન્દ્ર અને હોલ ટિકિટમાં દર્શાવેલ સમય અગાઉ મુજબ જ રહેશે. ધોધમાર વરસાદની IMDની આગાહીને પગલે આગામી 1 ઑગસ્ટના શનિવારે લેવાનાર GPSCની પ્રાથમિક પરીક્ષા મોકૂફ રાખવામાં આવી છે. આગામી 9 ઑગસ્ટના રવિવારના રોજ સવારે 11 વાગ્યાથી 12 વાગ્યા સુધીમાં પરીક્ષા લેવાશે.