શિક્ષણ@દેશ: ICSE ધોરણ 10-12નું પરિણામ આવતીકાલે આ સમયે થશે જાહેર, જાણો વધુ

અટલ સમાચાર ડોટ કોમ, ડેસ્ક

કોરોના કહેર વચ્ચે ICSE બોર્ડના 10માં ધોરણ અને ICSના 12માં ધોરણના પરિણામની તારીખ જાહેર થઈ છે. 10 અને 12ના પરિણામ આવતીકાલે બપોરે 3 વાગ્યે એક સાથે જાહેર કરવામાં આવશે. પરિણામ (CISCE ICSE, ISC Result 2021) બોર્ડની સત્તાવાર વેબસાઇટ cisce.org અને results.cisce.org પર ઉપલબ્ધ થશે અને કાઉન્સિલના કારકિર્દી પોર્ટલ પર એસએમએસ દ્વારા પણ જાણી શકાશે.

અટલ સમાચાર આપના મોબાઇલમાં મેળવવા અહિં ક્લિક કરો

સીબીએસઈની પરીક્ષા રદ થયા બાદ આઈસીએસઈ બોર્ડે કાઉન્સિલ ફોર ઈન્ડિયન સ્કૂલ સર્ટિફિકેટ પરીક્ષા દ્વારા 10 અને 12 ની પરીક્ષાઓ રદ કરી દીધી હતી. સુપ્રીમ કોર્ટે બોર્ડને 31 મી જુલાઇ સુધીમાં 12 ના પરિણામ જાહેર કરવા નિર્દેશ આપ્યો હતો. બોર્ડે આંતરિક મૂલ્યાંકન નીતિના આધારે આઇસીએસઇ અને આઈએસસી પરિણામ 2021 તૈયાર કરવાનું નક્કી કર્યું હતું. વર્ગ 9 અને વર્ગ 10 ની આંતરિક પરીક્ષાઓના ગુણ બોર્ડ આઇસીએસઈ પરિણામ 2021 તૈયાર કરવા માટેનો આધાર બનાવવામાં આવ્યા છે.

સૂત્રોએ જણાવ્યું હતુ કે, વર્ગ 12 ની પરીક્ષાઓનું પરિણામ 11 અને વર્ગ 12 ની આંતરિક પરીક્ષાઓના ગુણથી તૈયાર કરવામાં આવ્યું છે. બોર્ડના જે વિદ્યાર્થીઓ તેમના પરિણામથી નાખુશ છે તો તેઓ પરીક્ષા આપી શકે છે. સીઆઈએસસીએ સુપ્રીમ કોર્ટને કહ્યું હતું કે તેના વિદ્યાર્થીઓ સુધારણા પરીક્ષા માટે હાજર થઈ શકે છે, જે 1 સપ્ટેમ્બરથી શરૂ થવાની સંભાવના છે, જો પરિસ્થિતિ અનુકૂળ રહે.

આ રીતે ચેક કરી શકાશે

• વિદ્યાર્થીઓ પ્રથમ સત્તાવાર વેબસાઇટ cisce.org પર જાઓ.
• વેબસાઇટ પર આપેલ પરિણામની લિંક પર ક્લિક કરો.
• હવે રોલ નંબર વગેરે માહિતી સબમિટ કરો.
• તમારું પરિણામ સ્ક્રીન પર દેખાશે.
• હવે તે તપાસો.
• ભવિષ્યના સંદર્ભ માટે તેનું પ્રિન્ટ આઉટ લો.

દેશી ગાયનું ઘી બુક કરવા અહિં ક્લિક કરો