શિક્ષણ@ગુજરાત: હવે વિદ્યાર્થીઓ વર્ષમાં બે વાર બોર્ડની પરીક્ષા આપી શકશે, કેન્દ્રીય મંત્રીની મોટી જાહેરાત

અટલ સમાચાર ડોટ કોમ, ડેસ્ક

ધોરણ 10 અને 12ના વિદ્યાર્થીઓ માટે મોટા સમાચાર છે. આગામી સત્ર એટલે કે 2025-26થી બોર્ડની પરીક્ષાઓ વર્ષમાં બે વખત લેવામાં આવશે. પરીક્ષામાં બે વાર હાજર રહેવાના કિસ્સામાં, ફક્ત તેમનો શ્રેષ્ઠ સ્કોર અંતિમ ગણવામાં આવશે. શિક્ષણ મંત્રી ધર્મેન્દ્ર પ્રધાને એક કાર્યક્રમ દરમિયાન વર્ષમાં બે વખત બોર્ડપરીક્ષાની જાહેરાત કરી હતી.

એક ઇન્ટરવ્યુમાં, તેમણે એમ પણ કહ્યું હતું કે ઉમેદવારો પાસે તેઓ ઇચ્છે તે પરીક્ષામાં ભાગ લેવાનો વિકલ્પ હશે. જો તેઓ પરીક્ષા આપવા માંગતા હોય તો એકવાર આપો, જો તેઓ બે વખત પરીક્ષા આપવા માંગતા હોય તો બે વખત આપો. જો તમે એકવાર પરીક્ષા આપીને સંતુષ્ટ હોવ તો બીજી વાર પરીક્ષામાં બેસશો નહીં.

વર્ષમાં બે વાર બોર્ડની પરીક્ષા લેવાનો એકમાત્ર હેતુ બાળકો પર પરીક્ષાનો તણાવ ઓછો કરવાનો છે. જો તેઓ પરીક્ષા દરમિયાન તૈયારી ન અનુભવે તો તેઓ પરીક્ષા છોડી શકે છે. આ સાથે, જો એકવાર પેપર સારા ન હોય અથવા તેમને લાગે કે તેઓ વધુ સારું કરી શકે છે તો તેઓ ફરીથી મળેલી તકનો લાભ લઈ શકે છે.