ચૂંટણી@દેશ: યુનિવર્સિટીની દિવાલો પર લખેલા જોવા મળ્યાં 'ચૂંટણી બહિષ્કાર'ના વિવાદાસ્પદ સૂત્રો

અટલ સમાચાર ડોટ કોમ, ડેસ્ક

ચૂંટણી પહેલા જ દિલ્હી યુનિવર્સિટીની દિવાલો પર ચૂંટણી બહિષ્કારના નારા લખવામાં આવ્યા છે. દિલ્હી પોલીસે આ અંગે એફઆઈઆર નોંધી છે. દેશમાં લોકસભાની ચૂંટણી ચાલી રહી છે. રાજધાની દિલ્હીની તમામ સાત લોકસભા બેઠકો પર આવતીકાલે એટલે કે 25મી મેના રોજ મતદાન થવાનું છે. આ પહેલા જ દિલ્હી યુનિવર્સિટીની દિવાલો પર ‘ચૂંટણીનો બહિષ્કાર કરો’ જેવા નારા લખવામાં આવી રહ્યા છે, જેમાં ચૂંટણીનો બહિષ્કાર કરવાની વાતો કરવામાં આવી રહી છે.

આ સાથે જ અન્ય ઘણા વિવાદાસ્પદ સૂત્રો લખવામાં આવ્યા છે. પોલીસે આ મામલે FIR નોંધી છે. આ સાથે દિલ્હી યુનિવર્સિટી સાથે જોડાયેલી કોલેજોને પણ બોમ્બથી ઉડાવવાની ધમકી પણ મળી છે. અખિલ ભારતીય વિદ્યાર્થી પરિષદે આ અંગે પોલીસમાં એફઆઈઆર પણ નોંધાવી છે. આ સિવાય ડીયુ સંલગ્ન શ્રી રામ કોલેજ અને શ્રી વેંકટેશ્વર કોલેજને અજાણ્યા નંબરોથી બોમ્બથી ઉડાવવાની ધમકીઓ મળી છે. જે અંગે દિલ્હી પોલીસે તપાસ શરૂ કરી છે.દિલ્હી ફાયર સર્વિસ અનુસાર, દિલ્હી યુનિવર્સિટીની કેટલીક કોલેજોને બોમ્બથી ઉડાવવાની ધમકી મળી હતી. પરંતુ તપાસમાં કંઈ મળ્યું ન હતું. પોલીસે કહ્યું કે આ ફોન કોલ ફેક હતો અને ગભરાવાનું કોઈ જરૂર નથી. આ પહેલા દિલ્હી પોલીસને નોર્થ બ્લોક સાથે જોડાયેલા પોલીસ કંટ્રોલ રૂમને ઉડાવી દેવાની ધમકી મળી હતી.

દિલ્હી યુનિવર્સિટીની દીવાલો પર નક્સલબારી ઝિંદાબાદ, ચૂંટણીનો બહિષ્કાર, માર્ક્સવાદ ઝિંદાબાદ, કોમરેડ ચારુ ઝિંદાબાદ સહિતના અનેક સૂત્રો લખવામાં આવ્યા છે. આ સાથે એવું પણ લખવામાં આવ્યું છે કે નવી લોકશાહી વ્યવસ્થામાં જોડાઓ. એવું પણ કહેવામાં આવ્યું છે કે જ્યારે સમગ્ર દેશ અને યુવાનો લોકશાહીના આ મહાન પર્વમાં ભાગ લેવા માંગે છે. આવી સ્થિતિમાં આ અલોકતાંત્રિક સૂત્રો લખવામાં આવ્યા છે. દિલ્હી પોલીસે આ કૃત્ય કરનારાઓ સામે કાર્યવાહી કરવી જોઈએ.