ચૂંટણી@દેશ: PM મોદીએ કોંગ્રેસ પર કર્યા આકરા પ્રહારો 'ધર્મના આધાર પર અનામત લાગુ કરવા માગે છે કોંગ્રેસ'

અટલ સામાચાર ડોટ કોમ, ડેસ્ક

PM મોદીએ  મધ્યપ્રદેશમાં એક જાહેરસભાને સંબોધિત કરી હતી. આ દરમિયાન તેમણે કોંગ્રેસ પર આકરા પ્રહારો કર્યા હતા. વડાપ્રધાને રેલી દરમિયાન કહ્યું કે કોંગ્રેસ વિશે એવું સત્ય સામે આવ્યું છે જેને સાંભળીને દેશ ચોંકી ગયો છે. કોંગ્રેસ ઈચ્છે છે કે એસસી-એસટીનો 15 ટકા ક્વોટા કાપવામાં આવે અને ધર્મના આધારે અનામત લાગુ કરવામાં આવે.વડાપ્રધાને કહ્યું, “આપણું બંધારણ સ્પષ્ટપણે કહે છે કે ધર્મના આધારે કોઈને અનામત આપવામાં આવશે નહીં. બાબા સાહેબ આંબેડકર પોતે તેની વિરુદ્ધ હતા. કોંગ્રેસ આ ઠરાવને પૂર્ણ કરવા માટે વિવિધ યુક્તિઓ અપનાવી રહી છે. તેમણે 2004માં આંધ્રપ્રદેશમાં ધર્મના આધારે અનામત આપ્યું હતું અને બાબા સાહેબની પીઠમાં છરો માર્યો હતો.

2009ની ચૂંટણી હોય કે 2014ની ચૂંટણી હોય ધર્મના આધારે અનામતનું વચન આપવામાં આવ્યું હતું. કોંગ્રેસનો ઉદ્દેશ્ય છે કે આ ક્વોટા ધર્મના આધારે અનામત પર લાગુ થવો જોઈએ.પીએમ મોદીએ કોંગ્રેસ પર ઓબીસી સમુદાય સાથે વિશ્વાસઘાત કરવાનો પણ આરોપ લગાવ્યો. તેમણે કહ્યું, "કોંગ્રેસે ગેરકાયદેસર રીતે ચાલાકીનો આશરો લીધો છે અને ઓબીસી સમુદાય સાથે છેતરપિંડી કરી છે. તેઓએ બધા મુસ્લિમોને એક જ ક્વોટામાં મૂક્યા. અનામતની ચોરી કરવા માટે જે રમત રમવી રહ્યા છો. તમારા ઇરાદાઓને રોકવા માટે મોદીને 400 પાર બેઠકો જોઇએ છે. મારે દલિતો, આદિવાસીઓ, ઓબીસીના અનામતનું રક્ષણ કરવું છે. હું તમને અનામત આપતો રહીશ.

તેમણે વધુમાં કહ્યું કે કોંગ્રેસ તમારી સંપત્તિ પણ છીનવી લેવા માંગે છે. કોંગ્રેસ એક્સ-રે કરાવવા જઈ રહી છે. તમારા લોકરમાં શું છે તેઓ શોધી કાઢશે, માતા-બહેનોએ મૂડી બચાવી હશે, લોકરમાં દાગીના છે કે મંગળસૂત્ર, કોંગ્રેસ બધું છીનવવામાં વ્યસ્ત છે. તે તમારી પાસેથી બધું છીનવીને પોતાની વોટ બેન્કને આપવા માંગે છે. તેમનો છૂપો એજન્ડા બહાર આવી ગયો છે.પીએમએ કહ્યું કે આપણા દેશમાં દાદા-દાદી, નાના-નાની કાંઇક બચાવીને રાખે છે. તેમના મનમાં હોય છે કે તેમના પૌત્ર અને પૌત્રીઓ માટે ઉપયોગી થશે. તેઓ ખોટા ખર્ચ કરતા નથી. જે સંપત્તિ તમારા પૂર્વજોએ સાચવી છે તેના પર પણ ટેક્સ લગાવીને કોંગ્રેસ લૂંટવા માંગે છે.