ચૂંટણી@બિહાર: 5 વાગ્યા સુધીમાં મતદાનનો અગાઉનો રેકોર્ડ તૂટ્યો, 60.13 ટકા મતદાન નોંધાયું

અટલ સમાચાર ડોટ કોમ, ડેસ્ક

આજે બિહાર વિધાનસભા ચૂંટણીના પ્રથમ તબક્કા માટે 121 મતવિસ્તારોમાં મતદાન ચાલી રહ્યું છે. રાજ્યએ સાંજે 5 વાગ્યા સુધીમાં મતદાનનો અગાઉનો રેકોર્ડ તોડી નાખ્યો. સાંજે 5 વાગ્યા સુધીમાં, રાજ્યમાં 60.13 ટકા મતદાન નોંધાયું. આ 121 મતવિસ્તારોમાં મતદાનનો અગાઉનો રેકોર્ડ 55.81 ટકા હતો.2020ની ચૂંટણીમાં, 243 મતવિસ્તારોમાં 58.7 ટકા મતદાન થયું.2015ની બિહાર વિધાનસભા ચૂંટણીમાં કુલ 56.9 ટકા મતદાન થયું. 18 જિલ્લાઓમાં ચૂંટણીના પ્રથમ તબક્કામાં લોકો સક્રિયપણે ભાગ લીધો.

ચૂંટણી પંચ દ્વારા સાંજે 5 વાગ્યા સુધીમાં જાહેર કરાયેલા આંકડા અનુસાર, બેગુસરાયમાં સૌથી વધુ 67.32 ટકા મતદાન નોંધાયું. ખાગરિયામાં 60.65 ટકા મતદાન થયું. ગોપાલગંજમાં 64.96 ટકા, દરભંગામાં 58.38 ટકા, નાલંદામાં 57.58 ટકા, પટણામાં 55.02 ટકા, ભોજપુરમાં 53.24 ટકા, બક્સરમાં 55.10 ટકા લોકોએ મતદાન કર્યું. મધેપુરામાં 65.74 ટકા, મુંગેરમાં 54.90, મુઝફ્ફરપુરમાં 64.63 ટકા, લખીસરાયમાં 62.76 ટકા, વૈશાલીમાં 59.45 ટકા, શેખપુરામાં 52.36 ટકા, સમસ્તીપુરમાં 66.65 ટકા મતદાન નોંધાયું છે.