પર્દાફાશ@વડોદરા: પોર GIDCમાં વિદેશી દારૂનો મોટો જથ્થો ઝડપાયો, 139 પેટી સાથે 2 ઝડપાયા

અટલ સમાચાર ડોટ કોમ, ડેસ્ક

વડોદરામાં પોર GIDC વિસ્તારમાં રાત્રિના સમયે દારૂની હેરાફેરી કરતા બે શખ્સોને પોલીસે ઝડપી પાડ્યા છે. પોલીસે દારૂ ભરેલો આઈસર ટેમ્પો ઝડપી લઈ તેમાંથી વિદેશી દારૂની 139 પેટી કબજે કરી છે. દારૂ સહિત કુલ રૂ.25.49 લાખનો મુદ્દામાલ જપ્ત કરવામાં આવ્યો હોવાનું સામે આવ્યું છે. પોલીસને મળેલી બાતમીના આધારે પોર GIDC વિસ્તારમાં રાત્રિના સમયે તપાસ હાથ ધરવામાં આવી હતી. આ દરમિયાન શંકાસ્પદ રીતે દારૂની હેરાફેરી કરતા બે શખ્સો પોલીસના હાથે ઝડપાઈ ગયા હતા. પોલીસે તેમની અટકાયત કરીને સાથે રહેલા આઈસર ટેમ્પોની તપાસ હાથ ધરી હતી. પોલીસે આઈસર ટેમ્પોની તપાસ કરતાં તેમાં વિદેશી દારૂનો મોટો જથ્થો મળી આવ્યો હતો.

તપાસ દરમિયાન કુલ 139 પેટી વિદેશી દારૂ કબજે કરવામાં આવ્યો હતો. જપ્ત કરાયેલા દારૂની કિંમત રૂ.7.49 લાખથી વધુ હોવાનું સામે આવ્યું છે. દારૂ ઉપરાંત પોલીસે હેરાફેરી માટે ઉપયોગમાં લેવાયેલા આઈસર ટેમ્પો સહિતનો અન્ય મુદ્દામાલપણ કબજે કર્યો છે. સમગ્ર કાર્યવાહીમાં કુલ રૂ.25.49 લાખનો મુદ્દામાલ જપ્ત કરવામાં આવ્યો છે. પોલીસે ઝડપાયેલા બંને શખ્સો સામે કાયદેસરની કાર્યવાહી હાથ ધરી છે. દારૂનો આ મોટો જથ્થો ક્યાંથી લાવવામાં આવ્યો હતો અને તેને વડોદરાના પોર GIDC વિસ્તારમાં કોણે પહોંચાડ્યો તે અંગે પોલીસે વધુ તપાસ હાથ ધરી. ઉપરાંત દારૂનો જથ્થો ક્યાં પહોંચાડવાનો હતો તેની પણ માહિતી મેળવવા માટે આરોપીઓની પૂછપરછ કરવામાં આવી. આ કાર્યવાહી બાદ પોલીસ હવે સમગ્ર દારૂનાકટિંગ નેટવર્ક સુધી પહોંચવાનો પ્રયાસ કરી રહી છે.